लोककलावंताचे प्रश्न सोडविण्यासाठी राज्य शासन सकारात्मक – अमित देशमुख

लोककलावंताचे प्रश्न सोडविण्यासाठी राज्य शासन सकारात्मक – अमित देशमुख

सजग वेब टीम, मुंबई

मुंबई (दि.२३) | आपल्या लोककलेतून समाजात विविध विषयांवर जागृती निर्माण करण्याबरोबरच समाजाचे प्रबोधन करणाऱ्या लोककलावंताचे प्रश्न सोडविण्यासाठी राज्य शासन सकारात्मक असल्याचे सांस्कृतिक कार्य मंत्री अमित देशमुख यांनी आज सांगितले.

आज मंत्रालयात आमदार अतुल बेनके, सांस्कृतिक कार्यचे संचालक बिभीषण चवरे यांच्यासह अखिल भारतीय मराठी तमाशा परिषद चे अध्यक्ष आविष्कार मुळे, कार्याध्यक्ष संभाजी राजे जाधव,अखिल भारतीय चित्रपट महामंडळाचे अध्यक्ष मेघराज राजे भोसले, शरद कला प्रतिष्ठान चे अध्यक्ष लक्ष्मीकांत खाबिया,अभिनेते सुशांत शेलारआदी उपस्थित होते.

देशमुख म्हणाले की, राज्यातील कोविड-19 परिस्थिती पाहता सांस्कृतिक कार्यक्रमांना परवानगी देण्यात आलेली नाही. राज्यातील कलाकरांना उभारी देण्यासाठी शासन नेहमीच प्रयत्नशील असून लोकनाटय सादर करणाऱ्या कलाकारांनी मांडलेल्या विविध अडचणी सोडविण्यासाठी  शासन सकारात्मक आहे. गेल्या सहा महिन्यांपासून कोविड-19 मुळे राज्यात लॉकडाऊन करण्यात आले होते. लॉकडाऊन कालावधीत कोणतेही सांस्कृतिक कार्यक्रम होत नसल्याने लोककलावंतांचे नुकसान होत आहे आणि त्यामुळे पुन्हा एकदा लोककलावंताना लोककला सादर करण्याची परवानगी मिळावी, संगीतबारी आणि तमाशा असे वेगवेगळे प्रकार करण्यात यावेत,शासनाच्या विविध योजनांचा लाभ मिळावा, लोककलावंत यांच्या मुलांना मोफत शिक्षण मिळावे, लोककलावंतासाठी तमाशा सम्राज्ञी “विठाबाई नारायणगावकर” यांच्या नावाने कल्याणकारी आर्थिक विकास महामंडळ करावे, कलावंतांना मिळणारे अनुदान वेळेत मिळावे, लोककलावंतासाठी विमा योजना आणि आरोग्य योजना असाव्यात अशा काही मागण्यांचे निवेदन यावेळी सांस्कृतिक कार्य मंत्री देशमुख यांना देण्यात आले.

Read more...

जुन्नर तालुक्यात २५० कोविड बेड्स वाढविणार – आ.अतुल बेनके

जुन्नर तालुक्यात २५० कोविड बेड्स वाढविणार – आ.अतुल बेनके

सजग टाईम्स न्यूज, नारायणगाव

नारायणगाव | आज कोरोना संसर्गातून बाहेर पडल्यावर प्रथमच आमदार अतुल बेनके यांनी दैनंदिन कामकाजास सुरवात केली. नारायणगाव याठिकाणी आपल्या संपर्क कार्यालयामध्ये तहसीलदार हनुमंत कोळेकर, तालुका आरोग्य अधिकारी डॉ. उमेश गोडे, नारायणगाव पोलीस स्टेशनचे सहाय्यक निरीक्षक दत्तात्रय गुंड आदी अधिकाऱ्यांसमवेत आमदार बेनके यांनी आज आढावा बैठक घेतली. जुन्नर तालुक्यातील कोविड १९ च्या परिस्थिती व उपाययोजनांबाबत चर्चा या बैठकीत करण्यात आली.

जुन्नर तालुक्यात कोविड १९ संदर्भात लेण्याद्री व ओझर येथील सेंटर अंतर्गत ७०० बेड्स कार्यरत आहेत. यामध्ये येत्या काही दिवसात आणखी २५० बेड्स वाढविण्यात येणार आहेत अशी माहिती आमदार बेनके यांनी दिली आहे .

तालुक्यात सध्या महाराष्ट्र शासन, खासगी रुग्णालये व ग्रामीण रुग्णालय व इतर संस्था यांच्या वतीने जवळपास १३१ ऑक्सिजन बेड्स कार्यान्वित केले आहेत. यासंदर्भात आणखी १०० ऑक्सिजन बेड्स उपलब्ध करून देण्याची व्यवस्था केली जाणार आहे. याची तपशीलवार माहिती उद्या उपलब्ध होईल.
तसेच चालू असलेल्या कोविड सेंटर्स मधील व्यवस्थापन, जेवण, आरोग्य व्यवस्था, पिण्याचे पाणी, स्वच्छता व इतर विषयांसंदर्भात ज्या काही त्रुटी असतील त्या दूर करून यात सातत्यपूर्ण काम कसे होईल याकडे विशेष लक्ष देण्याची व्यवस्था करण्यात आली आहे. ज्या पेशंट्सना प्लाझ्मा ची आवश्यकता आहे त्यासाठी एक हेल्पलाईन उपलब्ध केली जाईल. अनेक समाजसेवी संस्था यासाठी खूप चांगलं काम करत आहेत लायन्स क्लब हि संस्थाही प्लाझ्मादानासाठी चांगला कार्यक्रम राबविणार आहे त्यासाठी सर्वांनी सहकार्य करावे असेही आमदार अतुल बेनके यांनी यावेळी सांगितले.

ज्या व्यक्ती कोविड १९ मधून बऱ्या झाल्या आहेत. त्यांना मी आवाहन करतो की त्यांनी प्लाझ्मादान करण्यासाठी पुढाकार घ्यावा व इतर रुग्णांना बरे होण्यासाठी मदत करावी. तसेच माझे कुटुंब माझी जबाबदारी या महाराष्ट्र शासनाच्या अभियानात सहभागी व्हा प्रशासनाला सहकार्य करा. सर्वांनी स्वतःची व आपल्या कुटुंबाची काळजी घ्या, कुणीही आजार लपवून ठेवू नका. स्वच्छता राखा व मास्कचा वापर करा असे आवाहन बेनके यांनी यावेळी केले.

Read more...

वडगाव कांदळीत ‘ग्रामभवन’चे आ.अतुल बेनके यांच्या हस्ते उद्घाटन 

वडगाव कांदळीत ‘ग्रामभवन’ चे आ.अतुल बेनके यांच्या हस्ते उद्घाटन 

७६ लाख रुपये खर्चून उभारलेल्या इमारतीचे आमदार अतुल बेनके व माजी आमदार शरद सोनवणे यांच्या हस्ते उद्घाटन

वडगाव कांदळी | येथील ग्रामपंचायतीने ग्रामपंचायतीच्या कारभारासाठी सर्व सुखसोयींनी सुसज्ज अशा ७६ लाख रुपये खर्चून उभारलेल्या ‘ग्रामभवन ‘ या इमारतीचे उद्घाटन जुन्नरचे आमदार अतुल बेनके यांच्या हस्ते झाले.

यावेळी माजी आमदार शरददादा सोनवणे, जिल्हा परिषदेचे गटनेते शरदराव लेंडे, जिल्हा परिषदेचे माजी सदस्य माऊली खंडागळे, पंचायत समिती सदस्य शाम माळी, गटविकास अधिकारी हेमंत गरीबे, रघुनाथ लेंडे, अशोक सोनवणे, अशोक बढे, सरपंच माधुरीताई निलख, उपसरपंच संजय खेडकर, ग्रामपंचायत सदस्या उल्का पाचपुते, धोंडीभाऊ मुटके, सीमा पाचपुते, समीर भोर, मनिषा पवार, विनायक लांडगे, शोभा पाचपुते, नाथा नरवडे, शाईन तांबोळी यांच्यासह ग्रामविकास अधिकारी एम. बी.वाघे, सचिन निलख , प्रा.श्रीकांत पाचपुते, माजी सरपंच माऊली निलख, रामदासशेठ पवार यांसह विविध संस्थांचे पदाधिकारी, ग्रामस्थ उपस्थित होते. कोरोनाच्या पार्श्वभूमीवर सामाजिक अंतर पाळून हा सोहळा पार पडला.

‘ग्रामभवन’ या इमारतीसाठी आमदार अतुल बेनके, माजी आमदार शरद सोनवणे, जिल्हा परिषदेचे गटनेते शरदराव लेंडे, माजी जिल्हा परिषद सदस्य माऊली खंडागळे यांच्या सहकार्यातून या इमारतीसाठी जिल्हा नियोजन आयोग, १४ वा वित्त आयोग, लोकप्रतिनिधींचा स्थानिक विकास निधी, ग्रामपंचायत निधी यामधून ७६ लाख रुपयांचा निधी उपलब्ध करण्यात आला. यावेळी बोलताना आमदार अतुल बेनके म्हणाले की, वडगाव कांदळी च्या विकासाकरता कोणताही निधी कमी पडू देणार नाही.

या कार्यक्रमाचे प्रास्ताविक व सूत्रसंचालन प्रा. श्रीकांत पाचपुते यांनी केले.

Read more...

ग्राहक पंचायतचे बाळासाहेब औटी यांचे आंदोलन स्थगित, आमदार अतुल बेनके यांची यशस्वी मध्यस्थी

ग्राहक पंचायतचे बाळासाहेब औटी यांचे आंदोलन स्थगित, आमदार अतुल बेनके यांची यशस्वी मध्यस्थी

सजग वेब टीम, जुन्नर

राजुरी | अखिल भारतीय ग्राहक पंचायतीने ऊर्जा विभागाच्या तसेच वनविभागाच्या संबंधित मागण्यांसाठी राज्यस्तरीय आंदोलन पुकारले होते. ग्राहक पंचायत चे प्रांत संघटक व महामंत्री बाळासाहेब औटी यांनी नेतृत्व केलेल्या या बेमुदत उपोषण आंदोलनाला आमदार अतुल बेनके यांनी राजुरी गावातील मुक्ताबाई माळावर जाऊन भेट दिली.

यावेळी उपस्थित शेतकरी, ग्रामस्थ आणि आंदोलनकर्त्यांशी मागण्यांबाबत चर्चा करण्यात आली. शेतकऱ्यांना शेतीपंपासाठी वीज जोड देणे बाबत, वीज ग्राहकांना वीज बीलात सवलत मिळाली पाहिजे, वीजबील माफी संदर्भात कृषी संजीवनी योजना राबवावी, शेतकऱ्यांना दिवसा शेतीसाठी वीज पुरवठा मिळावा,
बिबट्या प्रवण क्षेत्रातील पथदिवे उभारणी विनाअट तात्काळ सुरू करावी. आणे सबस्टेशन कार्यान्वित करून प्रत्यक्षात शेतकऱ्यांना लाभ मिळवून देणे
यांसह अन्य विविध मागण्यांवर आमदार बेनके यांनी संबंधित विभागाच्या अधिकाऱ्यांना प्रभावी उपाययोजना करण्यासाठी सूचना दिल्या.

तसेच धोरणात्मक बाबींवर चर्चा करण्यासाठी ऊर्जा राज्यमंत्री प्राजक्त तनपुरे यांच्याशी संवाद साधून उपमुख्यमंत्री अजित पवार यांच्यासोबत बैठक करण्याचे निश्चित केले आहे. या स्वरूपाचे पत्र बाळासाहेब औटी यांना यावेळी सुपुर्त करण्यात आले व त्याचे वाचन जि.प.सदस्य पांडुरंग पवार यांनी केले.

याप्रसंगी जि.प.सदस्य पांडुरंगजी पवार, पं. स. सदस्या अनघाताई घोडके, तहसिलदार हनुमंतजी कोळेकर, राजुरीचे सरपंच एम.डी.घंगाळे, वन विभागाचे प्रमुख अधिकारी, महावितरण विभागाचे नारखडे, आळेफाटा पोलिस स्टेशनचे पी. आय मुजावर, अशोकनाना घोडके, जयसिंग औटी, विजय कुऱ्हाडे, राजुरी गावचे ग्रामस्थ, , आंदोलनात सहभाग असणारे सर्व ग्राहक पंचायतचे कार्यकर्ते उपस्थित होते.

Read more...

जुन्नर तालुक्यातील सिंचनाची कामे लागणार मार्गी, सिंचन भवन बैठकीत झाली चर्चा

जुन्नर तालुक्यातील सिंचनाची कामे लागणार मार्गी, सिंचन भवन बैठकीत झाली चर्चा

सजग वेब टीम, पुणे

पुणे (दि.१७) | सिंचन भवन पुणे येथे सोमवार (दि.१७) जुन्नर तालुक्यातील सिंचनाच्या प्रकल्पांसंबंधी आणि विविध प्रश्नांसंबंधी महत्वपूर्ण बैठक आयोजित करण्यात आली होती. या बैठकीला जुन्नर चे आमदार अतुल बेनके, जि.प.सदस्य पांडुरंग पवार, मोहित ढमाले, अशोक घोडके हे लोकप्रतिनिधीही उपस्थित होते.

जुन्नर तालुक्यातील चिल्हेवाडी पाईपलाईन प्रकल्प, बुडीत बंधारे, के टी बंधारे, वितरीका साफसफाई व दुरूस्ती, कालवा पोटचाऱ्या पूर्ण करणे, प्रकल्पबाधितांचे प्रश्न या संबंधित अनेक विषयांवर या बैठकीत चर्चा करण्यात आली.

यामध्ये खालील विषयांवर महत्वपूर्ण चर्चा करण्यात आली.

– पिंपळगाव जोगा कालव्याची दुरूस्ती त्याचबरोबर शेतकऱ्यांना ये जा करण्यासाठी आवश्यक त्या ठिकाणी पुल बांधणे, कालव्याच्या वितरीका व लघु वितरीका, नवीन आऊट लेट काढणे

– बेल्हे येथील प्रस्तावित एस्केप काम CR गेट चे काम त्वरीत सुरु करण्याबाबत कार्यकारी संचालक विलास राजपुत यांनी आजच्या बैठकीत मान्यता दिली.

– नवीन पाणी परवान्याबाबत धोरणात्मक निर्णय घेऊन पूर्व भागातील शेतकऱ्यांना कसा फायदा होईल याबाबतचा निर्णय घेण्यात आला.

– चिल्हेवाडी पाईप लाईनच्या आराखडा व लाभक्षेत्रामध्ये शेतकऱ्यांना अधिकचा फायदा होण्यासाठी सुचविण्यात आलेले सकारात्मक बदल मान्य केलेले आहेत. याबाबत काही तांत्रिकदृष्ट्या अडचणींवर मार्ग काढण्याबाबतची चर्चा आजच्या बैठकीत करण्यात आली.

– पिंपळगाव जोगा कालवा व चिल्हेवाडी पाईप लाईन यांचे प्रलंबित भूसंपादनचे पैसे लवकरात लवकर शेतकऱ्यांना अदा करण्याबाबतचा कृती आराखडा बैठकीत तयार करण्यात आला.

– कुकडी डावा कालव्याच्या गळती थांबविणे, दुरुस्ती करणे, झाडे झुडपे काढणे, दळणवळणाला सोईकरता काही ठिकाणी पुल बांधणे CR गेट स्थापन करणे या सर्व बाबींना मान्यता देण्यात आल्या.

– लोकसहभागातून मनरेगा योजनेची जोड घेऊन संपूर्ण कालव्याच्या दुतर्फा सुशोभिकरण करण्याबाबत आराखडा तयार करण्याचे ठरले.

– माणिकडोह धरणातील ८ पैकी ३ बुडीत बंधाऱ्यांच्याबाबत प्राधान्याने तांत्रिक मान्यता घेऊन शासनाकडे प्रस्ताव सादर करण्याचे ठरविले आहे. त्यामध्ये चावंड, जळवंडी व अंजनावळे या बंधाऱ्यांचे प्रस्ताव प्राधान्याने घेण्यात येणार आहेत.

– रामजेवाडीच्या आऊट लेट च्या कामासाठी व निरगुडे, बेलसर कोल्हापूर पद्धती बंधाऱ्यांच्या दुरुस्तीसाठी आमदार अतुल बेनके यांनी रु ६० लक्ष रु. निधी जलसंपदा विभागाच्या माध्यमातून उपलब्ध करून दिला आहे.

– ओतूर येथील वाघदरा लघु पाटबंधारे तलावाच्या दुरुस्ती चा प्रस्ताव लवकरच तयार करण्यात येणार आहे

आजच्या बैठकीमुळे तालुक्यातील सिंचनाच्या कामांना गती मिळणार असून,
जुन्नर तालुक्यातील सिंचनाची कामे वेगाने पूर्ण करण्याच्या दृष्टीने प्रयत्नशील राहू असे आमदार अतुल बेनके यांनी या बैठकीबाबत बोलताना सांगितले आहे.

या बैठकीला कार्यकारी संचालक विलास राजपूत, अधीक्षक अभियंता हेमंत धुमाळ, संभाजी माने , कुकडी कार्यकारी अभियंता प्रशांत कडुसकर, सुचिता डुंबरे व संबंधित विभागाचे अधिकारी उपस्थित होते. त्याचप्रमाणे जुन्नर तालुक्यातील प्रदीप पिंगट, सुरेश तिकोणे आदी मान्यवरही या बैठकिला उपस्थित होते.

Read more...

बाळासाहेब औटी यांची आमदार अतुल बेनके घेणार भेट; उपोषण मागे घेण्यासंदर्भात करणार चर्चा

बाळासाहेब औटी यांची आमदार अतुल बेनके घेणार भेट; उपोषण मागे घेण्यासंदर्भात करणार चर्चा

सजग वेब टीम, जुन्नर

नारायणगाव | अखिल भारतीय ग्राहक पंचायतचे प्रांत संघटन मंत्री बाळासाहेब औटी हे वाढीव वीजबिले, कृषीपंप बिले आणि ऊर्जा विभागासंदर्भातील विविध मागण्यांसाठी राजुरी याठिकाणी आजपासून बेमुदत उपोषणाला बसले आहेत. या उपोषणाला शेतकरी वर्गाचा आणि सामान्य नागरिकांचा चांगला प्रतिसाद मिळत आहे. दरम्यान शासनाने दोन दिवसांत निर्णय घ्यावा अन्यथा राज्यभर आंदोलन करू असा इशाराही उपोषणकर्ते औटी यांनी दिला आहे.

आमदार अतुल बेनके यांनी यासंदर्भात उपमुख्यमंत्री अजित पवार, ऊर्जा मंत्री नितीन राऊत यांच्याशी चर्चा केली आहे. दोन्ही मंत्र्यांनी चर्चेदरम्यान उपोषणातील मागण्यासंदर्भात सकारात्मकता दर्शविली आहे. उद्या आमदार बेनके हे उपोषणस्थळी राजुरी याठिकाणी जाऊन औटी यांच्याशी उपोषण मागे घेण्याची विनंती करणार आहेत अशी माहिती मिळाली आहे.

Read more...

छत्रपती शिवाजी महाराज हे असामान्य व्यक्तिमत्त्व; शिवनेरीवर येण्याचे भाग्य लाभले – राज्यपाल भगतसिंग कोश्यारी

छत्रपती शिवाजी महाराज हे असामान्य व्यक्तिमत्त्व; महाराजांच्या जन्मस्थळी येण्याचे भाग्य लाभले – राज्यपाल भगतसिंग कोश्यारी

सजग वेब टीम, जुन्नर

जुन्नर | छत्रपती शिवाजी महाराज हे असामान्य व्यक्तिमत्त्व होते, महाराजांच्या जन्मस्थळी भेट देण्याचे भाग्य आज मला मिळाले असं प्रतिपादन राज्याचे राज्यपाल भगतसिंग कोश्यारी यांनी किल्ले शिवनेरी येथे केले.

किल्ले शिवनेरीवर जाऊन नतमस्तक होण्यासाठी राज्यपाल कोश्यारी हे आज सकाळी ठीक ११.०० वाजता किल्ले शिवनेरीवर पोहचले. गडाच्या पहिल्या दरवाजापासून ते शिवजन्मस्थळापर्यंत ते न थकता चालत गेले. यावेळी जुन्नर चे आमदार अतुल बेनके, जिल्हा परिषदेचे कार्यकारी अधिकारी आयुष प्रसाद, पुणे जिल्हा ग्रामीण चे पोलीस अधीक्षक संदीप पाटील आदी मान्यवर राज्यपालांसोबत होते.

गडावर जाताना आई शिवाई देवीचे दर्शन घेऊन राज्यपालांनी देवीची आरती सुद्धा केली. यावेळी गडावर पायी जाताना एक वेगळी ऊर्जा मिळते असे सांगताना “शिवाजी महाराज यहा पैदल आये थे तो हम भी पैदल आये” असंही ते म्हणाले.

किल्ल्यावर सर्वच राजकारण्यांनी पायीच आलं पाहिजे, असा सल्लाही त्यांनी यावेळी दिला आहे.

“शिवनेरीवर येण्याअगोदर अनेक जण मला पाऊस आहे असं सांगून घाबरवत होते. पण केवळ महाराजांविषयी असलेल्या श्रद्धेमुळेच मी इथपर्यंत येऊ शकलो,” असेही राज्यपाल कोश्यारी यांनी माध्यमांशी बोलताना सांगितले.

राज्यपालांनी गडावरील विविध पुरातन वास्तू व किल्ले संवर्धनाची माहिती घेतली. शिवाजी महाराजांच्या जन्मस्थळी जाऊन शिवाजी महाराजांच्या प्रतिमेची पूजा केली व शिवकुंज येथे जिजाऊ आणि बाल शिवबांच्या प्रतिमेचे दर्शन घेत राज्यपाल नतमस्तक झाले.

याप्रसंगी शिवकुंज इमारतीजवळ राज्यपालांच्या हस्ते पिंपळवृक्षाचे वृक्षारोपण करण्यात आले.

या दरम्यान जुन्नर तालुक्याच्या वतीने आमदार अतुल बेनके यांनी शिवछत्रपतींची मूर्ती देऊन राज्यपालांचा आदर सत्कार केला. तसेच जिल्हा परिषद सदस्य आशाताई बुचके, नारायणगावचे सरपंच योगेश पाटे यांनी मावळा पगडी घालून व शाल देऊन राज्यपालांचा सत्कार केला.

Read more...

वारूळवाडी येथील नूतन ग्रामसंसद इमारत तालुक्याच्या वैभवात भर टाकणारी – खा.अमोल कोल्हे

वारूळवाडी येथील नूतन ग्रामसंसद इमारत तालुक्याच्या वैभवात भर टाकणारी – खा. अमोल कोल्हे

सजग वेब टीम, जुन्नर

नारायणगाव | वारूळवाडी येथील नूतन ग्रामसंसद ही ग्रामपंचायत कार्यालयाची नवीन वास्तू गावच्या तसेच तालुक्याच्या वैभवात भर टाकणारी व नावलौकीक वाढविणारी आहे.असे गौरवोदगार खासदार डॉक्टर अमोल कोल्हे यांनी व्यक्त केले . वारूळवाडी येथे सुमारे चार कोटी रुपये खर्च करून बांधण्यात आलेल्या ग्रामसंसद वारूळवाडी या नवीन इमारतीच्या उद्घाटन प्रसंगी खासदार डॉ. अमोल कोल्हे बोलत होते.

यावेळी आमदार अतुल बेनके जिल्हा परिषद अध्यक्षा निर्मला पानसरे,सभापती ऍड संजय काळे,जि. प.सदस्या आशा बुचके,पांडुरंग पवार,सरपंच जयश्री बनकर,उपसरपंच सचिन वारुळे,रमेश भुजबळ, वैद्यकीय अधिकारी डॉ. वर्षा गुंजाळ,उद्योजक संजय वारुळे,बाजार समिती संचालक विपुल फुलसुंदर ग्रामसेवक विद्याधर मुळूक जालिंदर कोल्हे,जंगल कोल्हे,राजेंद्र मेहेर,रवी साळुंके,अविनाश घोलप व सर्व ग्रामपंचायत सदस्य उपस्थित होते.या कार्यक्रमास माजी आमदार शरद सोनवणे,विघ्नहर कारखान्याचे चेअरमन सत्यशील शेरकर यांनीही भेट दिली .

उत्तर पुणे जिल्हात सर्वात मोठी आणि अद्यावत सुविधा असलेली १५ हजार ८०० स्क्वे. फुटाची ही ग्रामपंचायत इमारत असून या ग्रामपंचायतीमध्ये स्वागतकक्ष,सरपंच,ग्रामसेवक,अतिथी कक्ष,अभिलेख कक्ष,वाचनालय अशा सुविधा आहेत,तालुक्यातील सर्वात मोठी असलेली वारूळवाडी ग्रामपंचायत ओळखली जाणार आहे अशी माहिती संजय वारुळे आणि उपसरपंच सचिन वारुळे यांनी दिली .

याप्रसंगी उत्कृष्ट बांधकाम केल्याबद्दल स्थापत्य अभियंता रवी साळुंखे व अविनाश घोलप यांचा तसेच कोरोना काळात उत्कृष्ट वैद्यकीय सेवा दिल्याबद्दल डॉ वर्षा गुंजाळ व आरोग्य सेवक यांचा सत्कार करण्यात आला.
कार्यक्रमाचे सूत्रसंचालन सुनील मेहेर यांनी केले तर जंगल कोल्हे यांनी आभार मानले.

दरम्यान जुन्नर पंचायत समितीचे माजी सभापती दशरथ पवार यांचा पुणे याठिकाणी कोरोना उपचारा दरम्यान निधन झाल्याने हा उद्घाटन सोहळा अत्यंत साध्या पद्धतीने करीत अवघ्या २० मिनिटांत हा कार्यक्रम साजरा करून सर्व प्रमुख उपस्थितांच्या वतीने दशरथ पवार यांना श्रद्धांजली अर्पण करण्यात आली.

Read more...

मुस्लिम समाजाची सामाजिक बांधिलकी कौतुकास्पद – खासदार डॉ. अमोल कोल्हे

मुस्लिम समाजाची सामाजिक बांधिलकी कौतुकास्पद – खासदार डॉ. अमोल कोल्हे

जुन्नर तालुका मुस्लिम समाज सेवा समितीच्या वतीने कोविड सेंटरमधील आरोग्य कर्मचाऱ्यांना आरोग्य सुरक्षा किट वाटप आणि प्रशासनातल्या सर्व अधिकाऱ्यांचा सन्मान

नारायणगाव | जुन्नर तालुका मुस्लिम समाज सेवा समितीने तालुक्यातील सर्व कोविड सेंटरमधील आरोग्य कर्मचाऱ्यांसाठीआरोग्य सुरक्षा किट उपलब्ध करून दाखवलेली सामाजिक बांधिलकी कौतुकास्पद आहे असे मनोगत खासदार डॉ.अमोल कोल्हे यांनी व्यक्त केले.
रघुकुल मंगल कार्यालय नारायणगाव येथे जुन्नर तालुका मुस्लिम समाज सेवा समितीच्यावतीने आयोजित केलेल्या ‘उत्कृष्ट प्रशासन गौरव पुरस्कार ‘ वितरण आणि ‘आरोग्य किट वाटप’ कार्यक्रमात खासदार डॉ. अमोल कोल्हे प्रमुख पाहुणे म्हणून बोलत होते.

याप्रसंगी जुन्नर तालुक्याचे आमदार अतुल बेनके जि.प.सदस्य पांडुरंग पवार,सरपंच योगेश पाटे तहसीलदार हनुमंत कोळेकर,सहाय्यक निबंधक यशवंती मेश्राम,गटविकास अधिकारी हेमंत गरीबे, तालुका आरोग्य अधिकारी डॉ.उमेश गोडे,एकात्मिक बालविकास अधिकारी हरिभाऊ हाके, मुस्लिम समितीचे अध्यक्ष सादिक आतार, उपाध्यक्ष समद इनामदार, सचिव मेहबूब काझी, सहसचिव अशफाक पटेल, सदस्य मुबारक तांबोळी, हाजी रज्जाक कुरेशी, आरिफ आतार, रईस मणियार, रऊफ खान,हाजी कदिर मोमीन, रऊफ इनामदार, अजीम तिरंदाज, रिजवान पटेल, वाजिद इनामदार, सलीम पटेल, रफिक शेख, फिरोज पठाण, फकीर आतार,नसीर अहमद, अजीम इनामदार इत्यादी मान्यवर उपस्थित होते.

‘ चांगले रस्ते,वीज, पाणी नागरिकांना पुरविणे हे लोकप्रतिनिधीचे कर्तव्यच आहे परंतु कर्तृत्व करून दाखवायचे असेल तर अद्यावत हॉस्पिटल, शैक्षणिक संस्था उभ्या कराव्या लागतील,मुस्लिम सेवा समितीने सुचविलेल्या विकास कामांसाठी केंद्र आणि राज्य शासनाकडे निश्चितपणे पाठपुरावा केला जाईल असेही खासदार डॉ. अमोल कोल्हे यांनी सांगितले.
अल्पसंख्याक समाजाच्या विविध कामांसाठी लवकरच तालुकास्तरीय बैठक बोलावली जाईल असे आमदार अतुल बेनके यांनी यावेळी सांगितले.

यावेळी जुन्नर तालुका मुस्लिम समाज सेवा समितीच्यावतीने तहसीलदार हनुमंत कोळेकर, सहाय्यक निबंधक यशवंती मेश्राम, गटविकास अधिकारी हेमंत गरीबे,तालुका आरोग्य अधिकारी डॉ. उमेश गोडे, एकात्मिक बालविकास अधिकारी हरिभाऊ हाके, उपविभागीय पोलिस अधिकारी दिपाली खन्ना यांना मान्यवरांच्या हस्ते ‘उत्कृष्ट प्रशासन गौरव पुरस्कार’ देऊन सन्मानित करण्यात आले तसेच नारायणगाव कोविड सेंटरच्या आरोग्य कर्मचारी यांचाही यावेळी आरोग्य सुरक्षा किट देऊन सन्मान करण्यात आला.

कार्यक्रमाचे प्रास्ताविक समिती सचिव मेहबूब काझी यांनी केले, सूत्रसंचालन सहसचिव अशफाक पटेल यांनी केले व आभार फकीर आतार यांनी मानले.

Read more...

ग्रामीण भागातील आरोग्य यंत्रणा अद्ययावत करणार – जिल्हाधिकारी नवल किशोर राम

जिल्हाधिकारी नवल किशोर राम यांनी घेतला जुन्नर, आंबेगाव तालुक्यातील कोरोना प्रतिबंधक उपाययोजनांचा आढावा

ग्रामीण भागातील आरोग्य यंत्रणा अद्ययावत करणार
– जिल्हाधिकारी नवल किशोर राम

सजग वेब टीम, जुन्नर

पुणे दि.२६ | कोरोना प्रतिबंधक उपाययोजना अधिक व्यापक करण्यासाठी शहरी भागाबरोबरच ग्रामीण भागातील आरोग्य यंत्रणा अद्ययावत करणार असल्याचे जिल्हाधिकारी नवल किशोर राम यांनी आज सांगितले. कोरोना संसर्गाची साखळी तोडण्यासाठी सार्वजनिक ठिकाणी गर्दी करणे टाळा, अत्यावश्यक असेल तरच मास्क घालून व सुरक्षित अंतराचे पालन करुन व प्रशासनातर्फे वेळोवेळी देण्यात आलेच्या सूचनांचे पालन करुनच बाहेर पडा, असे आवाहनही त्यांनी केले.
जुन्नर नगरपरिषद सभागृहात जिल्हाधिकारी राम यांनी कोरोना प्रतिबंधक उपाययोजनांचा आढावा घेतला. यावेळी आमदार अतुक बेनके, नगराध्यक्ष श्याम पांडे, पोलीस अधीक्षक संदीप पाटील, उपविभागीय अधिकारी रमा जोशी, उपविभागीय पोलीस अधिकारी दीपाली खन्ना, तहसिलदार हनुमंत कोळेकर, पोलीस निरीक्षक युवराज मोहिते, तालुका आरोग्य अधिकारी प्रशांत खत्री, नगर अभियंता विवेक देशमुख आदीसह लोकप्रतिनिधी, नागरिक, शांतता समितीचे सदस्य, प्रशासकीय अधिकारी आदी उपस्थित होते.

जिल्हाधिकारी राम म्हणाले, पुणे शहरासह जिल्ह्यात गेल्या काही दिवसापासून कोरोना बाधित रुग्णांची संख्या वाढताना दिसत आहे. कोरोना संसर्गाची साखळी तोडण्यासाठी सर्वांनी नियमांचे पालन करणे आवश्यक आहे. सार्वजनिक ठिकाणी वावरताना मास्कचा वापर, अनावश्यक घराबाहेर न पडणे आणि आजाराची लक्षणे जाणवल्यास कोविड केअर सेंटरमध्ये तपासणी करुन घेण्याचे आवाहन जिल्हाधिकारी राम यांनी केले.
कोरोनाला रोखण्यासोबतच काळजी घेण्याची हीच योग्य वेळ असल्याचे सांगून जिल्हाधिकारी राम म्हणाले, जुलै आणि ऑगस्ट अखेरपर्यंत रुग्णांची संभाव्य वाढती संख्या विचारात घेता रुग्णालयातील बेडची संख्या, ऑक्सिजन सिलेंडर उपलब्धतेचा आढावा घेतला जात असून आरोग्य यंत्रणाचे बळकटीकरण करताना पायाभूत सुविधा, आवश्यक मनुष्यबळ व निधी कमी पडणार नसल्याचे त्यांनी नमूद केले. तसेच कोविड सेंटरमध्ये जैव-वैद्यकीय कचरा, भोजन व्यवस्था व आवश्यक सोई सुविधा तसेच उपचाराबाबत दक्षता घ्या. या संदर्भात कोणत्याही प्रकारची तक्रार येता कामा नये, अशा स्पष्ट सूचनाही जिल्हाधिकारी राम यांनी संबंधित यंत्रणेला दिल्या.
प्रतिबंधित क्षेत्रातील अतिजोखमीचे आजार असलेल्या व्यक्ती तसेच बाधित व्यक्तीच्या नजीकच्या संपर्कात आलेल्या प्रत्येक व्यक्तीची कोरोना विषयक तपासणी होणे आवश्यक आहे. अशा तपासणीतून कोरोना संसर्गाचे लवकर निदान होवून त्यांच्यावर उपचार करणे सोपे होईल. तसेच कोरोना बाधित रुग्णाला घरी सोडल्यानंतर त्यांना आरोग्य विषयक कोणत्याही प्रकारचा त्रास होत असल्यास त्वरीत आरोग्य सुविधा पुरविण्यात यावी, असे निर्देशही जिल्हाधिकारी राम यांनी दिले. तसेच येणाऱ्या कालावधीतील सण-उत्सव साजरे करताना कोरोना संसर्गाबाबत शासनाच्या नियमावलीचे पालन करावे, असे आवाहन त्यांनी केले.

आमदार अतुल बेनके यांनी जुन्नर तालुक्यात कोरोना संसर्गाबाबत नागरिकांनी दक्षता घेतली आहे. सण-उत्सव साजरे करताना सामाजिक सलोखा अबाधित ठेवण्याची तालुक्याची परंपरा कायम राहील, असा विश्वास त्यांनी व्यक्त केला.

जिल्हा पोलीस अधीक्षक संदीप पाटील म्हणाले, जुन्नर तालुक्यात कोरोना रुग्णांची वाढती संख्या लक्षात घेवून यापुढील काळात अधिक काळजी घ्यावी लागणार आहे. कोरोनाच्या पार्श्वभूमीवर सण-उत्सव साजरे करताना सुरक्षित अंतर, मास्कचा वापर, सार्वजनिक ठिकाणी होणारी गर्दी याबाबत अधिक काळजी घ्यावी लागणार आहे. नागरिकांनी यापुढेही कोरोना संसर्ग रोखण्यासाठी स्वत:च्या आरोग्याची काळजी घ्यावी, असे आवाहन त्यांनी केले. आभार नगराध्यक्ष शाम पांडे यांनी मानले.

Read more...
Open chat