गुळाणीच्या सरपंचपदी ७५ वर्षाच्या आजीबाई


बाबाजी पवळे, राजगुरूनगर (सजग वेब टीम)

राजगुरूनगर – तुम्ही तुमच्या गावचं सरपंचपद ७५ वर्षीय आजीबाईंना द्याल का हो? पुणे जिल्ह्यातील गुळाणी ग्रामपंचायतीचा गाडा मात्र आता ७५ वर्षीय महिलेच्या हाती सोपवण्यात आला आहे.

७५ वर्षीय इ़ंदुबाई हनमंत ढेरंगे अंगठेबहाद्दर या आजी थेट जनतेतून सरपंच झाल्या आहेत. पुणे जिल्ह्याच्या खेड तालुक्यातील गुळाणी ग्रामपंचायतीचा गाडा त्या हाकणार आहेत.

गुळाणी गावचे सरपंचपद महिलांसाठी राखीव घोषित होताच, वयाच्या ७५ व्या वर्षी या आजीबाईनी निवडणुकीच्या रिंगणात उतरण्याचा निर्णय घेतला. विरोधकाला पाणी पाजून विजयही निश्चित केला.

इंदूबाई अंगठेबहाद्दर असल्या तरी त्यांनी गावाचा विकास करण्याचा ध्यास बांधला आहे. इंदुबाईंना थेट जनतेतून सरपंचपदाच्या खुर्चीवर बसून एक गावाने इतिहास रचला आहे. या वयातही गुळाणी गावचा गाडा हाकून त्या गावचा विकास करतील असा विश्वास गावकऱ्यांनी दाखवला आहे.

गावच्या विकासासाठी त्यांची ही धडपड नव्या पिढीला लाजवेल अशीच आहे. यातून भावी पिढीसमोर मात्र एक आदर्श उभा केला, हे नक्की.

Read more...

माध्यमांचे धडक प्रश्न बाबू पाटेंची बेधडक उत्तरे; नारायणगाव ग्रामपंचायत वर्षपूर्ती पत्रकार परिषद

सजग वेब टीम

नारायणगाव | नारायणगाव ग्रामपंचायत सत्ता बदल होऊन २३ फेब्रु.२०१९ रोजी एक वर्ष पूर्ण झाले. नारायणगावच्या जनतेच्या विश्वासास पात्र ठरलेल्या सरपंच योगेश पाटे आणि ग्रामपंचायत सदस्यांनी विकास कामांच्या माध्यमातून आपले गाव स्वच्छ, समृद्ध, सुंदर आणि हरित करण्यासाठी कटिबद्ध असल्याचे सांगून गेल्या एक वर्षात ३ कोटी ४८ लाखांची विकासकामे केली असल्याची माहिती नारायणगावचे लोकनियुक्त सरपंच योगेश बाबू पाटे यांनी वर्षपूर्ती निमित्त आयोजित पत्रकार परिषदेत केले.

नारायणगाव ग्रामपंचायतीच्या एक वर्षातील विविध विकासकामे व उपक्रमाची माहिती शनिवारी नारायणगाव ग्रामपंचायतीच्या सभागृहात आयोजित पत्रकार परिषदेत देण्यात आली. यावेळी उपसरपंच संतोष दांगट, तंटामुक्ती अध्यक्ष ज्ञानेश्वर औटी, ग्रामपंचायत सदस्य आरिफ आत्तार, विजय वाव्हळ, गणेश पाटे, राजेश बाप्ते, रामदास अभंग, संतोष पाटे, ज्योती दिवटे, सारिका डेरे, सुप्रिया खैरे, पुष्पा आहेर, संगीता खैरे, ग्राम विकास अधिकारी नितीन नाईकडे, सर्व कर्मचारी आदी उपस्थित होते. मागील वर्षी २३ फेब्रुवारीला सरपंच योगेश पाटे यांनी पदभार स्वीकारल्यानंतर आज २३ फेब्रुवारीपर्यंत पेव्हर ब्लॉक्स, काँक्रीटीकरण, शौचालय, बंदिस्त गटार पाईपलाइन, नवीन अंगणवाडी इमारत बांधकामे, खडीकरण, शेड बांधणे, संरक्षक भिंत उभारणे, पाणीपुरवठा टाकी, मोकाट डुकरांचा बंदोबस्त, जिल्हा परिषद शाळातील विद्यार्थ्यांसाठी सांस्कृतिक महोत्सव, स्व.साबीर भाई शेख ठिबक सिंचन योजना, प्लॅस्टिक बंदी मोहीम, विठाबाई भाऊ मांग नारायणगावकर स्मारक पाठपुरावा, हरित नारायणगाव होण्यासाठी १० हजार झाडे ५ वर्षात लावणार आहे. आदी ३ कोटी ४८ लाख ७१ हजार ८२९ रुपयांची विकास कामे या कालावधीत सरपंच योगेश पाटे यांच्या नेतृत्वाखाली सदस्य, ग्रामस्थ यांच्या सहकार्याने केली असून या पुढील काळात गॅस शववाहिनी, घनकचरा व्यवस्थापन, सिव्हेज वॉटर ट्रिटमेंट प्रोजेक्‍ट, अद्ययावत शौचालये आदी उपक्रम आणि प्रकल्प राबविणार आहेत. आरोग्याच्या दृष्टीने ओला व सुका कचरा विभाजन करण्याच्यादृष्टीने नियोजन करणार आहेत. नारायणगावात १३२ सोसायट्या अनधिकृत आहेत. अनेक सोसायट्यांनी ग्रामपंचायतीचे पाणी, लाईट, लाईन आदी सुविधा घेतल्या असून महसूल जमा करीत नसल्याचे निदर्शनास आल्यास १ एप्रिलपासून त्यांना सुविधा बंद करण्यात येईल. तसेच अतिक्रमण करणाऱ्यांवर लवकरच कायदेशीर कारवाई करण्यात येईल, असा इशारा यावेळी पाटे यांनी दिला आहे.

दप्तर तपासणी अहवालात जे कुणी दोषी आढळतील कायद्यानुसार त्यांना शिक्षा होईल यासंबंधीची आमची भूमिका अजूनही तीच आहे. तसेच मुक्ताबाई देवस्थान ट्रस्ट शी संबंधित आर्थिक गैरव्यवहार प्रकरणी गावबैठकीच्या निर्णयानुसार लढा देऊ असेही पाटे यांनी यावेळी नमूद केले.

Read more...
Open chat