हक्काचे पाणी राखू शकलो नाही हे आमच्या तालुक्याचे दुर्दैव – अतुल बेनके

आमचा लोकप्रतिनिधी पाण्याच्या नियोजनाबाबत नालायक ठरला – आशाताई बुचके

औषध उपचारानिमित्त दवाखान्यात असल्याने उपस्थित राहू शकलो नाही – आमदार सोनवणे

सजग वेब टीम, जुन्नर

जुन्नर | कुकडी प्रकल्पातील माणिकडोह धरणाचा पाणीप्रश्न गुरुवार ता. १६ ला पुन्हा पेटला. सकाळी दहा वाजता माणिकडोह धरणातून आवर्तन सुरू करण्यात आले. नंतर पाणी सोडण्यात येऊ नये, या मागणीसाठी सर्वपक्षीय नेत्यांनी माणिकडोह धरणाकडे धाव घेतली. यात श्री विघ्नहर साखर कारखान्याचे अध्यक्ष सत्यशील शेरकर, जिल्हा परिषद गटनेत्या आशा बुचके, राष्ट्रवादी युवक काँग्रेसचे प्रदेश उपाध्यक्ष अतुल बेनके, काँग्रेसचे तालुकाध्यक्ष अशोक घोलप सर्व पक्षीय कार्यकर्ते व परिसरातील ग्रामस्थ उपस्थित होते.

तालुक्यातील शेतकऱ्यांना हक्काचे पाणी मिळाले पाहिजे अन्यथा साम दाम दंड भेदाच्या नीतीचा अवलंब करून तीव्र आंदोलन छेडण्यात येईल. अतुल बेनके म्हणाले, कुकडी प्रकल्पाचे तालुक्यातील धरणांबाबतचे नियोजन पूर्ण फसले आहे. हक्काचे पाणी राखू शकलो नाही हे आमच्या तालुक्याचे दुर्दैव आहे. पाण्याबाबत राजकारण कधी केले नाही. जिल्हा परिषद सदस्य अंकुश आमले यांना दम देणाऱ्या विरोधात योग्य वेळी भूमिका घेऊ असे आमदार सोनवणे यांचे नाव न घेता बेनके यांनी सांगितले. आमदार शरद सोनवणे पुणे येथे औषध उपचारानिमित्त दवाखान्यात असल्याने ते उपस्थित राहू शकले नसल्याचे समजते.

यावेळी संतप्त झालेल्या आशा बुचके यांनी संबंधित विभागाच्या अधिकाऱ्यांना चांगलेच धारेवर धरले व आमचा लोकप्रतिनिधी पाण्याच्या नियोजनाबाबत नालायक ठरला असून त्यांना नियोजन करता आले नसल्याची बोचरी टीका करत आमदार सोनवणे यांना घरचा आहेर दिला. यांच्यावर करत पाण्याचे तालुक्यात एमआयडीसी नसल्याने संपूर्ण अर्थव्यवस्था शेतीवर अवलंबून आहे, मात्र याची मांडणी लोक प्रतिनिधीने योग्य प्रकारे केली नाही. धरणे आमच्या तालुक्यात असताना इतर जिल्ह्यातील लोकांची दादागिरी खपवून घेणार नाही असे बुचके यांनी बजावले. सत्यशील शेरकर म्हणाले की, मागील आवर्तनाच्या वेळी प्रशासनाने पुन्हा आवर्तन सोडणार नाही, असे सांगून फसवणूक केली आहे.

दरम्यान माणिकडोह धरणात सद्यस्थितीत 278 दशलक्ष घनफुट इतका उपयुक्त पाणीसाठा शिलक आहे. यापैकी 150 दशलक्ष घनफुट पाणीसाठा जुन्नर शहर व लाभक्षेत्रातील काही गावांसाठी पिण्यासाठी शिल्लक ठेऊन उर्वरित पाणी या आवर्तनाद्वारे सोडण्यात येणार आहे. आज पासून सुरू झालेले आवर्तन सुमारे सव्वीस तास चालणार असल्याचे सांगण्यात आले. पाणी हे गाळमिश्रित असल्याने ते पिण्यासाठी किती योग्य आहे असा सवालही शेतकरी उपस्थित करत आहेत. पिण्याच्या नावाखाली राजकीय दबावापोटी अन्य जिल्ह्यातील शेती व्यवस्था वाचविण्याचा प्रयत्न यातून होत तर नाही अशी शंका माणिकडोह धरणावर अवलंबित शेतकरी व्यक्त करत आहेत.

Read more...

मंत्रिपदासाठी नरेंद्र मोदी यांच्या पायावर माथा ठेऊ – शरद सोनवणे

सजग वेब टीम

शिरूर | नरेंद्र मोदी यांच्या पायावर शिरुर लोकसभेचा माथा ठेऊ पण आढळरावांसाठी मंत्रीपद मागूच, असं वक्तव्य नुकतेच शिवसेनेत प्रवेश केलेले शरद सोनावणे यांनी केलं आहे. ते एका सभेत बोलत होते.

आपण सर्व लोकं विमान बुक करु दिल्लीला जाऊ आणि तिथे दिल्लीश्वराच्या पाया पडू, जनतेसाठी हे करु, असंही ते म्हणाले आहेत.

शिवाजी आढळरावांना केंद्रीय मंत्री करा अशी मागणी आपण पंतप्रधान नरेद्र मोदींकडे करु, असंही ते म्हणाले.

दरम्यान, यावेळी त्यांनी शिवसेनेतून राष्ट्रवादी काँग्रेसमध्ये गेलेले अमोल कोल्हे यांच्यावर जोरदार टीका केली.

Read more...

आमदार सोनवणेंच्या प्रयत्नातून मुख्यमंत्री सहायता निधीतून गरजूंना २,४०,००० ची मदत

आमदार सोनवणेंच्या प्रयत्नातून मुख्यमंत्री सहायता निधीतून गरजूंना २,४०,००० ची मदत

सजग वेब टिम

जुन्नर | आमदार सोनवणे यांनी मुख्यमंत्री सहायता निधीतून जुन्नर तालुक्यातील वेगवेगळ्या गरजू लोकांना २ लाख ४० हजार रूपयांची मदत मिळवून दिली आहे.

जुन्नर तालुक्यातील आगर, जुन्नर येथील विजय विठ्ठल घोणे यांच्या हृदयरोग उपचाराचा खर्च भागविण्यासाठी मुख्यमंत्री सहाय्यता निधीतून रु. १,००,००० रु.
, साकोरी तर्फे बेल्हे, जुन्नर येथील रवींद्र सावेळेराम भालेराव यांच्या कर्करोग उपचार खर्चासाठी रु. १,००,००० (एक लाख) , हापुसबाग, शिरोली बु, जुन्नर येथील शिवाजी रखमजी लांडे यांच्या हृदयरोग उपचार खर्चासाठी रु. ४०,००० मंजूर करण्यात आले आहेत.

आमदार शरद सोनवणे यांनी याआधीही मुख्यमंत्री सहायता निधीतून अनेकांना मदत मिळवून दिली आहे. सोनवणे हे या निधीचा चांगल्या पद्धतीने वापर करत असल्याचे दिसून येत आहे. रुग्णांना व रुग्णांच्या नातेवाईकांना या निधीमुळे उपचार खर्चासाठी मदत होत आहे व दिलासाही मिळत आहे.

Read more...

आमदार सोनवणे आपलं ठेवतात झाकून अन दुसऱ्याचं पाहतात वाकून – भाऊसाहेब देवाडे

नारायणगाव | दि १३ जानेवारी २०१९ रोजी वारुळवाडी-गुंजाळवाडी रस्त्याचे काम व्हावे यासाठी ग्रामस्थ व राष्ट्रवादी काँग्रेस पक्षाच्या कार्यकर्त्यांनी केलेल्या रास्तारोको नंतर, युवानेते अतुल बेनके यांच्यासह इतर कार्यकर्त्यांवर नारायणगाव पोलीस स्टेशन येथे गुन्हा दाखल करण्यात आला. या नंतर राष्ट्रवादी काँग्रेस पक्षातर्फे नारायणगाव येथे आज पत्रकार परिषद घेण्यात आली. या पत्रकार परिषदेत राष्ट्रवादी काँग्रेसच्या महत्वाच्या नेत्यांनी या कारवाई विरोधात आपल्या तीव्र भावना या व्यक्त केल्या आहेत.

“कार्यकर्त्यांवर दाखल झालेले गुन्हे ही लोकशाहीची गळचेपी”
– अलका फुलपगार (उपनगराध्यक्ष, जुन्नर नगरपरिषद)

दाखल झालेले गुन्हे हा राष्ट्रवादी काँग्रेसच्या कार्यकर्त्यांवर झालेला अन्याय आहे. – पांडुरंग पवार ( राष्ट्रवादी काँग्रेस जुन्नर तालुका अध्यक्ष)

पोलीस प्रशासनाने केलेल्या या कारवाई मागे राजकीय हस्तक्षेप
– शरदराव लेंडे (जिल्हा परिषद गटनेते)

या भावना राष्ट्रवादी काँग्रेसच्या नेत्यांकडून व्यक्त करण्यात आल्या आहेत.

“सदर रस्त्याच्या अपूर्ण कामामुळे अनेक अपघात या रस्त्यावर झाले आहेत.हा रस्ता पूर्ण व्हावा यासाठी ग्रामस्थांनी रास्ता रोको केला.या रास्ता रोकोमुळे उपमार्ग असणाऱ्या या रस्त्याने जाणाऱ्या वाहनांचा अर्धा ते एक तास खोळंबा झाल्याने आमच्यावर गुन्हे दाखल केले गेले, परंतु अनेक महिने नव्हे तर वर्ष अपूर्ण असणाऱ्या राष्ट्रीय महामार्गाच्या कामामुळे किती वाहतूक खोळंबा झाला अन कित्येक जीव गेले? मग याला कारणीभूत असणाऱ्या प्रशासनावर गुन्हे का दाखल होऊ नये?” असा खडा सवाल गुंजाळवाडी गावचे ग्रामस्थ विकास दरेकर यांनी उपस्थित केला.

“आमदार आपलं ठेवतात झाकून अन दुसऱ्याचं पाहतात वाकून” अशी जळजळीत टीका या वेळी राष्ट्रवादीचे प्रवक्ते भाऊसाहेब देवाडे यांनी केली.

” कायदेशीर मार्गाचा अवलंब करून आंदोलने करावीत” अस वक्तव्य आमदार शरद सोनवणे यांनी एका स्थानिक वृत्त वाहिनीशी बोलताना केलं होतं. तसेच “अतुल बेनके म्हणजे उतावळा नवरा अन गुढग्याला बाशिंग”अशी टीकाही त्यांनी बेनके यांच्यावर केली होती.

सध्या जुन्नर तालुक्यात रास्ता रोको आणि दाखल झालेले गुन्हे हा चर्चेचा विषय बनला आहे. या आंदोलनानंतर खड्डे बुजविण्याचे काम मात्र सुरू झाले असल्याने ग्रामस्थांनी समाधान व्यक्त केलं आहे.

Read more...
Open chat