‘मदत नव्हे कर्तव्य’ आ.सुनील शेळके यांचा विधायक उपक्रम

‘मदत नव्हे कर्तव्य’ उपक्रमांतर्गत मावळातील १४ हजार कुटुंबांना जीवनावश्यक वस्तू वाटप

मावळचे आमदार सुनील शेळके यांचा विधायक उपक्रम

तालुक्यातील वाडी-वस्तीवरसुद्धा घरपोच मिळणार अन्नधान्य

मावळ | कोरोनाच्या पार्श्वभूमीवर सध्या सुरू असलेल्या ‘लॉकडाउन’मुळे अनेकांचा रोजगार बुडाला. हजारो कुटुंबांच्या पोटाचा प्रश्न निर्माण झाला. मात्र, सामाजिक बांधिलकी आणि कर्तव्य म्हणून मावळातील २० हजार गरजु कुटुंबांना किमान महिनाभर पुरेल अशा जीवनावश्यक वस्तू मोफत देण्याचा उपक्रम आमदार सुनील शेळके यांनी हाती घेतला आहे.
तालुका प्रशासन आणि आमदार सुनील शेळके मित्र परिवार यांच्या वतीने तहसील कार्यालय येथे सोमवारी (दि.१३एप्रिल २०२०) येथे सकाळी ११ वाजता या उपक्रमाची औपचारिक सुरूवात करण्यात येईल. पहिल्या टप्प्यात १४ हजार कुटुंबांना, तर दुसऱ्या टप्प्यात सहा हजार कुटुंबांना धान्यवाटप करण्यात येणार आहे. याप्रसंगी मावळचे उपविभागीय अधिकारी संदेश शिर्के, तहसीलदार मधुसूदन बर्गे, गटविकास अधिकारी शरदचंद्र माळी, तसेच सामाजिक संस्था, सभासद यावेळी उपस्थित राहणार आहेत.

याविषयी बोलताना आमदार सुनील शेळके म्हणाले की, कोरोना विषाणुविरुद्धचे युद्ध जिंकण्यासाठी प्रशासन आणि लोकप्रतिनिधी संयमाने लढा देत आहेत. कोरोनामुळे अडचणीत असलेल्या कुटुंबांना आम्ही मदत नव्हे तर कर्तव्य भावनेतून ह्या उपक्रमासाठी पुढाकार घेतला आहे.

‘सोशल डिस्टंसिंग’चे पालन करुनच जीवनावश्यक वस्तू वाटप …
वाटप करताना प्रशासनाने दिलेल्या ‘सोशल डिस्टंसिंगबाबत सूचनांचे पालन करण्यात येणार आहे. गरजु कुटुंबियांना एक महिना पुरेल इतका किराणासह अत्यावश्यक ११ वस्तुंचा संच तयार केला आहे. ग्रामीण भागातील आंदर मावळ, नाणे मावळ, पवन मावळ येथील गरजु कुटुंबांसह १९ आदिवासी गावे, डोंगर पठारावर असणारे पाडे, वाड्या वस्त्यांवर जावून घरपोच धान्यवाटप केले जाणार आहे. विशेष म्हणजे, याकामी शासकीय अधिकारी, तलाठी, ग्रामसेवक यांचीही मदत घेतली जाईल, असेही आमदार सुनील शेळके यांनी म्हटले आहे.

Read more...

पार्थच्या पहिल्याच भाषणाची सोशल मीडियाने उडवली खिल्ली

पिंपरी चिंचवड | राष्ट्रवादी काँग्रेस पक्षाचे मावळ लोकसभेचे उमेदवार पार्थ अजित पवार याच्या पहिल्या भाषणाची नेटकऱ्यांनी चांगलीच खिल्ली उडवलेली दिसून येत होती. मावळ मतदार संघात पार्थ पवार याचे पहिले जाहीर भाषण होते परंतु भाषण करताना राष्ट्रवादी पक्षाचा साधा कार्यकर्ता सुद्धा पार्थ याच्या पेक्षा चांगले भाषण करू शकतो असेच राष्ट्रवादीचे कार्यकर्ते बोलून दाखवत होते. पार्थ याला लिहून दिलेले मराठी भाषण वाचून बोलताना सुद्धा तो अनेक वेळा अडखळत होता. एकाद्या नव्या कलाकाराला दिलेले भाषण चांगल्या प्रकारे रट्टा मारून बोलू शकतो या कलेची सुद्धा पार्थ पवार याच्याकडे कमी दिसून येत होती.

शरद पवार आणि पार्थ यांचे वडील अजित पवार यांच्याकडे असलेले वक्तृत्वाची कमी पार्थ पवार मध्ये दिसून येत होती. आज मावळ मध्ये पार्थ याला मिळालेली लोकसभेची उमेदवारी फक्त अजित पवार यांच्या हट्टापायी देण्यात आलेली आहे असेच समजते. ज्या पार्थ पवार याला साधे लिहून दिलेले भाषण नीट वाचता येत नाही तो लोकसभेत जनतेचे प्रश्न काय मांडणार, आज महाराष्ट्रात कुशल कौशल्य असणारे शरद पवार यांच्या नातवाला साधा आजोबाचा वक्तृत्वाचा गुण घेता आलेला नाही असेच आज नेटकरी पार्थ पवार यांची खिल्ली उडवत आहे.

” ह्याला लिहिलेले भाषण धड वाचता येत नाही..हा निवडुण येवुन संसदेत काय दिवे लावणार आहे…हा तर राहुल गांधी पेक्षा टिंब…..टिंब…..निघाला..” , ” याच्या इच्छे साठी अख्खा लोकसभा मतदारसंघ ताब्यात कशाला द्यायचा त्याला ग्रामपंचायती पासुन सुरुवात करायला सांगा म्हणजे त्याची इच्छा पूर्ण होईल आणि अनुभव सुध्दा येईल” , ” अररारारार…. काय हे… भाव तू खासदार होणार का?? तुझा पेक्षा मी भारी बोलतो… तू स्वतःचे प्रश्न व्यवस्थित मांडू नाही शकत जसनतेचे प्रश्न काय मांडणार… फक्त श्रीरंग अप्पा.. बारणे ” , ” दादाच पोरगं कस बोलतो म्हणून आवर्जून एकल परंतु ह्याने पहिल्या बोलातच विकेट दिली..”, ” काय राव भाषण आमचं दहावीचं पोर चंगल भाषण करतय आणि म्हणे भावी खासदार” अश्या प्रकारे मावळ मधील सुजाण नागरिकांनी आपल्या सूचना पार्थ पवार आणि राष्ट्रवादीला दिलेल्या आहे. यावर येणाऱ्या लोकसभेला मावळ मधील जनता पार्थ पवार सारख्या नवख्या उमेदवाराला संधी देणार का यावरच प्रश्नचिन्ह निर्माण झाले आहे.

Read more...

मावळ पंचायत समितीच्या हंगामी सभापती पदी विवेक वळसे पाटील यांची निवड

प्रमोद दांगट, आंबेगाव (सजग वेब टीम)

आंबेगाव | भाजपचे वर्चस्व असलेल्या मावळ पंचायत समितीच्या हंगामी सभापती पदी राष्ट्रवादी कॉंग्रेस चे पुणे जिल्हा परिषद उपाध्यक्ष विवेक प्रतापराव वळसे पाटील यांची निवड झाली आहे मावळ पंचायत समितीचे सभापती गुलाबराव म्हासळकर,व उपसभापती शांताराम कदम यांनी आपल्या पदाचा राजीनामा दिल्याने रिक्त झालेल्या जागेचे कामकाज पाहण्यासाठी वळसे यांची निवड करण्यात आली आहे.

जिल्हा परिषदेच्या मुख्याधिकारी यांच्या अध्क्षतेखाली पार पडलेल्या या बैठकीत महाराष्ट्र जिल्हा परिषद व पंचायत समिती अधिनियम 1961 चे कलम 75 अन्वये जिल्हा परिषदेच्या विषय समित्यांचे सभापती यांच्याकडून समितीच्या सभापती पदासाठी चिठ्ठी टाकून निवड करन्यात आली त्यात जिल्हा परिषदेचे सदस्य व अर्थ व शिक्षण खात्याचे सभापती विवेक वळसे पाटील यांची चिठ्ठी निघाल्याने त्यांची निवड करण्यात आली पुढील निवड होईपर्यंत वळसे हे सभापती म्हणून कामकाज पाहणार आहेत.

Read more...
Open chat