दुष्काळप्रश्नी शरद पवारांनी घेतली मुख्यमंत्री फडणवीसांची भेट

दुष्काळी परिस्थितीवर सविस्तर चर्चा;मुख्यमंत्र्यांनी तात्काळ लक्ष घालण्याचे दिले आश्वासन

सजग वेब टिम, मुंबई

मुंबई | राष्ट्रवादी काँग्रेसचे राष्ट्रीय अध्यक्ष शरद पवार यांनी आज संध्याकाळी ८ वाजता राज्यातील दुष्काळी परिस्थितीबाबत मुख्यमंत्र्यांची भेट घेतली.

सोलापूर जिल्ह्यातील काही गावे त्याचप्रमाणे दिनांक १२ आणि १३रोजी सातारा जिल्ह्यातील माण, अहमदनगर जिल्ह्यातील काही गावे आणि बीड जिल्ह्यातील गावांना शरद पवारांनी भेट देत तेथील जनतेच्या दुष्काळी परिस्थितीचा आढावा घेतला आणि त्या समस्या मुख्यमंत्री देवेंद्र फडणवीस यांच्यासमोर बैठकीदरम्यान मांडल्या.

पिण्याच्या पाण्याच्या समस्याबद्दल सांगताना पिण्याचे पाणी हे पुरेसं नियमित वेळेवर नाही. कमी अधिक प्रमाणात त्याचबरोबर अशुद्ध पाणी पुरवठा व जनावरांसाठी पाणी नसताना या सगळ्या बाबींचा विशेषत्वाने उल्लेख केला. टँकरसाठी पाणी भरताना त्यामुळे वीजेची समस्यासुद्धा टँकरद्वारे पाणीपुरवठा करण्यात मोठी अडचण असल्याचे निदर्शनास आणलं. शिवाय बीड जिल्ह्यामध्ये भेट दिली. त्यावेळी येथील चारा संघटनेने आंदोलनाचा पवित्रा घेतला. छावण्या सुरू झाल्या तरी चारा न मिळाल्यामुळे लाखो रुपयांचे कर्ज डोक्यावर असल्यामुळे व्याजाचा भुर्दंड बसत असल्यामुळे जनावरांना चारा देण्याची परिस्थिती उद्भवली. त्यामुळे छावण्या बंद करण्याचा त्यांनी निर्णय घेतला. यावेळी मुख्यमंत्री देवेंद्र फडणवीस यांच्या या सगळ्या समस्यांचे गांभीर्य निदर्शनास आणून देत त्यांची देयके वेळेवर जातील याकडे शरद पवारांनी मुख्यमंत्र्यांचे लक्ष वेधले.

त्याचप्रमाणे चारा छावणी चालण्यातील अडचणीत केवळ उसाचा चारा देवू केला जात आहे. त्याचे प्रमाण कमी असणे याची पद्धत क्‍लिष्ट स्वरूपाची असेल असं जनावरांचे आकडेवारी रोजच्या रोज कळवणं अशा बऱ्याच समस्या या बाबींचा चारा छावणी चालकांना त्रास होत असल्याचा प्रामुख्याने निदर्शनास आणून दिले.

प्रति जनावर 90 रुपये इतके चारा छावणी चालवण्यासाठी असणारे अनुदान अपुरे असल्याचे देखील शरद पवारांनी निदर्शनास आणले. ते आता शंभर रुपये प्रति जनावर करण्यात आल्याचे मुख्यमंत्री महोदयांनी यावेळी सांगितले.

केंद्रशासनाने अन्नसुरक्षा कायदा लागू केल्यानंतर सुद्धा दुष्काळी भागातील जनतेला रेशन कार्डवर अन्नधान्य मिळत नसल्याची तक्रार शरद पवारसाहेबांनी केली. त्यावेळेस साधारणतः बीपीएल अंतर्गत 7 कोटी लाभार्थ्यांना अन्नधान्य देण्याचा शासनाचा असल्याचं शासनातर्फे सांगण्यात आलं मात्र दुष्काळी परिस्थितीमध्ये बीपीएल, एपीएल आणि सर्वांनाच यांना अत्यल्प दरात आणि त्यावरील असलेले घटक असतील त्यांना परवडेल असे दरामध्ये धान्य सरसकट देण्यात यावे ही विनंती देखील शरद पवारांनी केली.

या बैठकीत प्रति जनावर रुपये शंभर येथे चारा छावण्या अनुदान केल्याचं मुख्यमंत्री महोदयांनी सांगितलं आणि त्यामध्ये 120 रुपयेपर्यंत वाढ करण्याच्या दृष्टीने निश्चित लक्ष देईल असेही आश्वासन मुख्यमंत्र्यांनी दिले.

बीड जिल्ह्यामध्ये धनगर समाजातील प्रतिनिधींनी शरद पवार यांच्या निदर्शनास आणले की, शेळ्या-मेंढ्यांचा सुद्धा जनावरांच्या छावणीत प्रमाणे विचार करण्यात यावा त्यासाठी स्वतंत्र विचार करण्यात यावा ही बाब मुख्यमंत्री देवेंद्र फडणवीस यांच्या निदर्शनास आणली. या गोष्टीकडे देखील लक्ष पुरवू असे आश्वासन मुख्यमंत्री देवेंद्र फडणवीस यांनी दिले.

यावेळी विधीमंडळ पक्षनेते अजितदादा पवार, आमदार राणा जगजितसिंह, आमदार राजेश टोपे आदींसह दुष्काळी भागातील काही प्रतिनिधी उपस्थित होते.

Read more...

अष्टविनायक रस्ते विकास कामांचा शुभारंभ मुख्यमंत्र्यांच्या हस्ते – आढळराव पाटील

संतोष पाचपुते, आंबेगाव ( सजग वेब टीम)

पारगाव | अष्टविनायक रस्ते जोडणी कामांचा भूमीपूजन समारंभ दि. १९ फेब्रुवारी रोजी शिवजयंतीच्या मुहुर्तावर महाराष्ट्र राज्याचे मुख्यमंत्री देवेंद्र फडणवीस यांच्या शुभहस्ते करण्यात येणार असल्याची माहिती शिवसेनेचे खासदार शिवाजीराव आढळराव पाटील यांनी दिली.

खासदार आढळराव पाटील म्हणाले कि, युती सरकार सत्तेवर आल्यानंतर आपण केंद्राच्या भारतमाला रस्ते जोडणी प्रकल्पाच्या धर्तीवर महाराष्ट्र राज्याचे आराध्य दैवत असलेल्या अष्टविनायकाचे दर्शन एक दिवसात करता यावे यासाठी अष्टविनायक मार्ग किमान दुपदरी व्हावा अशी आपण मुख्यमंत्र्यांसह बांधकाम मंत्री चंद्रकांत पाटील यांच्याकडे मागणी केली होती. ८ मार्च २०१५, ३ एप्रिल २०१५, १६ ऑक्टोबर २०१६ रोजी मुख्यमंत्री देवेंद्र फडणवीस तसेच बांधकाम मंत्री चंद्रकांत पाटील यांना पत्रव्यवहार करून व समक्ष भेट घेऊन अष्टविनायक जोडणी प्रकल्प मंजूर करावा यासाठी पाठपुरावा केला होता. याबाबत मुख्यमंत्री व बांधकाम मंत्री यांनी पुणे जिल्ह्याचे अधीक्षक अभियंता यांना याबाबतचा आवश्यक प्रस्ताव तात्काळ सादर करण्याचे आदेश दिले होते. प्रस्ताव लवकरात लवकर सादर व्हावा यासाठी सार्वजनिक बांधकाम विभागाचे अधीक्षक अभियंता यांनाही पत्र्यवहार व बैठकीद्वारे पाठपुरावा केला होता. तसेच हा रस्ता ज्या भागातून जातो त्या भागातील लोकप्रतिनिधींनी देखील या कामासाठी पाठपुरावा केला आहे. त्यामुळे त्यांचेदखील अभिनंदन करतो. शिवजयंतीच्या निमित्ताने १९ फेब्रुवारी रोजी मुख्यमंत्री शिवनेरी गडावर येत असून या शुभमुहूर्तावर राज्य शासनाच्या हायड्रेड अॅन्युयिटी अंतर्गत मंजूरी मिळालेल्या २८१.१३ किमी लांबीच्या ८३५.८० कोटी रकमेच्या प्रकल्पाचा भूमीपूजन समांरभ आयोजित केला आहे. या समारंभास महाराष्ट्र शासनाचे बांधकाम मंत्री चंद्रकांत पाटील, ग्रामविकास मंत्री पंकजाताई मुंडे, पर्यटनमंत्री जयकुमार रावल, आदि मान्यवर उपस्थित राहणार आहेत. यामध्ये शिरूर-आंबेगाव-जुन्नर तालुक्यातील रामा १२८ – रांजणगाव- मलठण – खडकवाडी- नारायणगाव- ओझर- ओतूर रस्ता ७३ किमी, जुन्नर तालुक्यातील प्रजिमा २- बनकरफाटा ते लेण्याद्री ११.५० किमी, प्रजिमा ३५-लेण्याद्री ते ओझर १० किमी, लेण्याद्री फाटा-पिंपळगाव सिध्दनाथ- गणेशखिड- सितेवाडी रामा २२२ रस्ता १३ किमी, शिरूर तालुक्यातील प्रजिमा ४०- तांदळी-इनामगाव रस्ता ६ किमी, रामा ११८- न्हावरा-कर्पेवाडी रोड १० किमी, प्रजिमा १०० कर्पेवाडी-रांजणगाव रस्ता ९ किमी या रस्त्याचा या प्रकल्पामध्ये समावेश आहे. युती शासनाच्या माध्यमातून हा प्रकल्प मंजूर झाल्याने या भागातील रस्ते मजबूत होऊन दळणवळणासाठी मोठी चालना मिळू शकेल.

याशिवाय किल्ले शिवनेरी अबारखाना संग्रहालय व जुन्नर नगरपरिषदेच्या माध्यमातून होमारे जिजामाता उद्यानातील संग्रहालयाचे भूमीपूजन मुख्यमंत्री देवेंद्र फडणवीस यांच्या शुभहस्ते व्हावे यासाठी आपण प्रयत्नशील असल्याचे खासदार शिवाजीराव आढळराव पाटील यानी सांगितले.

Read more...

राज्य मंत्रिमंडळाच्या बैठकीत विविध निर्णयांना मंजुरी

मंत्रिमंडळ बैठक निर्णय (२९/०१/२०१९)

1. लोक आयुक्तांच्या चौकशीच्या कार्यकक्षेत मुख्यमंत्री पदाचा समावेश करण्यास मान्यता.

2. गावातील मालमत्तांच्या कर आकारणी पद्धतीत सुधारणा करण्यासाठी मालमत्ता पत्रक तयार करण्याचा निर्णय.

3. उच्चदाब उपसा जलसिंचन योजनांना वीज दरात सवलत देण्यास मंजुरी.

4. अनुसूचित जाती व नवबौद्ध घटकांतील नव उद्योजकांना प्रोत्साहन देण्यासाठी त्यांना प्रकल्पाच्या कमाल 15 टक्के मार्जिन मनी देण्याचा निर्णय.

5. एकात्मिक नगर वसाहत प्रकल्पांसाठी शेतजमीन खरेदी करताना शेतजमीन धारणेच्या कमाल मर्यादेतून सूट देण्यासाठी महाराष्ट्र शेतजमीन अधिनियमात सुधारणेस मान्यता.

6. औद्योगिक वापरासाठी मंजूर केलेल्या शासकीय जमिनीचा वापर (नझूल जमिनी वगळून) अधिमुल्य आकारून इतर प्रयोजनासाठी करण्यास परवानगी. या निर्णयामुळे अशा प्रकारच्या जमिनी विकास प्रक्रियेत सामावून घेण्यास मदत होणार.

7. चंद्रपूर जिल्ह्यातील मूल येथे कृषि महाविद्यालय स्थापण्यास मान्यता.

8. मुंबई शहरात अतिरिक्त 5625 सीसीटीव्ही बसविण्यासाठी येणाऱ्या 323 कोटी खर्चास मान्यता. सीसीटीव्ही संनिरीक्षण प्रकल्पाच्या वाढीव खर्चासही सुधारित मान्यता.

9. वर्ष 2015 मध्ये पार पडलेल्या ग्रामपंचायतींच्या निवडणुकांसाठी जात वैधता प्रमाणपत्र सादर करण्यासाठी 2015 च्या अधिनियमातील तरतुदी लागू होण्यासाठी सन 2018 चा महाराष्ट्र अधिनियम क्र. 66 मध्ये सुधारणा.

Read more...

राज्य मंत्रिमंडळाच्या बैठकीत चार मोठे निर्णय

मुंबई | आज झालेल्या राज्य मंत्रिमंडळाच्या बैठकीत चार महत्त्वाचे निर्णय घेण्यात आले.

ते खालीलप्रमाणे…

१. दिव्यांग व्यक्तींच्या स्वावलंबनासाठी हरित उर्जेवर चालणाऱ्या पर्यावरणस्नेही फिरत्या वाहनावरील दुकान (मोबाईल शॉप ऑन व्हेईकल) मोफत उपलब्ध करण्याचा निर्णय.

२. बाळासाहेब ठाकरे यांच्या राष्ट्रीय स्मारकासाठी १०० कोटींचा निधी एमएमआरडीएमार्फत उपलब्ध करण्यास मंजुरी.

३. मुंबई शहरातील सार्वजनिक ठिकाणी महिलांच्या सुरक्षेसाठी केंद्र शासन पुरस्कृत महिला सुरक्षितता पुढाकार योजना राबविण्यास मान्यता.

४. पुण्यातील फर्ग्युसन कॉलेज या स्वायत्त संस्थेचे रुपांतर फर्ग्युसन युनिव्हर्सिटीमध्ये करण्यास मान्यता.

 

Read more...

गेल्या चार वर्षात शासनाने राज्यातील १८ हजार गावांतील पिण्याच्या पाण्याच्या योजना पूर्णत्वास नेल्या असून हा आजपर्यंतचा उच्चांक. पाटण तालुक्यातील आज भूमिपूजन केलेल्या ५४ पाणीपुरवठा योजनांचे कामही निर्धारित वेळेत पूर्ण करणार- मुख्यमंत्री

गेल्या चार वर्षात शासनाने राज्यातील १८ हजार गावांतील पिण्याच्या पाण्याच्या योजना पूर्णत्वास नेल्या असून हा आजपर्यंतचा उच्चांक. पाटण तालुक्यातील आज भूमिपूजन केलेल्या ५४ पाणीपुरवठा योजनांचे कामही निर्धारित वेळेत पूर्ण करणार- मुख्यमंत्री

Read more...
Open chat