पाण्याअभावी खामगाव भागातील पिके लागली जळू

सजग वेब टीम, जुन्नर

जुन्नर | जुन्नर तालुक्यातील पश्चिम भागातील गावांमध्ये तीव्र पाणी टंचाई चे चित्र दिसत आहे. माणिकडोह धरण उशाला आणि कोरड खामगावकरांच्या घशाला अशी परिस्थिती आहे. पिण्याच्या पाण्याचा जेमतेम पुरवठा आणि शेतीतील पाण्याअभावी होरपळणारी पिके अशा अवस्थेत सध्या मावळ भागातील लोक राहत आहेत.

शेतकऱ्यांच्या कृषी पंप पाण्याअभावी बंद आहेत. या सर्व परिस्थितीला प्रशासन आणि स्थानिक लोकप्रतिनिधी जबाबदार आहेत असं शेतकरी म्हणत आहेत. काही भागात टँकर चालू करण्याची मागणीही शेतकऱ्यांनी आणि स्थानिकांनी केली आहे. डिसेंबर जानेवारी पासूनच पूर्व भागातील गावांची पाण्यासाठी ओरड चालू झाली होती. त्यातच नियोजनापेक्षा अधिक पाणी कुकडी प्रकल्पातून सोडण्यात आल्याच्या बातम्याही येऊन गेल्या. त्यामुळे शेतकरी म्हणतात त्यात तथ्य असल्याचे जाणकारांचे मत आहे.

Read more...

रस्त्यांची निकृष्ठ कामे आणि पाणी प्रश्नावरून आदिवासी जनतेची फसवणूक : अजिंक्य घोलप

सजग वेब टीम, जुन्नर

जुन्नर | जुन्नरच्या पश्चिम भागातील जुन्नर ते नाणेघाट रस्त्याचे काम युवकांच्या आंदोलनानंतर सुरु झाले. रस्त्याचे काम सुरु असताना एका येणेरे गावच्या एका युवकास जीवही गमवावा लागला आहे. परंतु त्याची दखल ना प्रशासनाने घेतली ना लोकप्रतिनिधींनी. दुसऱ्या टप्याचे काम सध्या सुरु आहे,ते देखील निकृष्ठ दर्जाचे आहे अशी ग्रामस्थांची तक्रार आहे, आणि त्याचे पुरावे देखील ठेकेदार यांना दाखवले असुन काम अत्यंत धीम्या गतीने सुरु असल्याने याभागातील लोकांनी नाराजी व्यक्त केली आहे. काम चांगले आणि त्वरित पुर्ण करावे अशी सर्वांची मागणी आहे. अशी माहिती अजिंक्य घोलप यांनी सजग टाईम्स शी बोलताना दिली आहे.

माणिकडोह धरणाच्या कुकडी किनारा भागातील शेतकऱ्यांची व्यथा पहिली तर पहिले आवर्तन ५५%चे झाल्यानंतर आता फक्त पिण्यासाठी पाणी पुरेल इतका साठा शिल्लक असताना वारंवार पाणी सोडले जात आहे. अजूनही जवळपास ४ ते ५ महिन्याचा काळ लोटायचा असूूून पाणी पुरले नाहीतर लोकांना संघर्षाला सामोरे जावे लागणार आहे. पाणी सोडताना योग्य नियोजन झाले नसल्याने लोकांमधे तीव्र नाराजी असल्याचे अजिंक्य घोलप म्हणाले. पाण्याच्या मागणीचे फॉर्म भरण्याचे आवाहन आमदार सोनवणे यांनी केले असले तरी यावर्षी येणाऱ्या संकटांना मात्र सर्वांना सामोरे जावं लागणार असल्याचे चित्र आहे.

प्रश्न रस्त्याचा असो अथवा पाण्याचा कुठलेही राजकारण न करता समस्या सोडवण्यासाठी सर्वांनी एकत्र यावे असेही घोलप यावेळी म्हणाले.

Read more...
Open chat