परिवर्तनाशिवाय पर्याय नाही, तरुणाईचा आवाज संसदेत पोहोचणार – डॉ. अमोल कोल्हे

सजग वेब टीम, जुन्नर 

डॉ. अमोल कोल्हे : जुन्नर तालुक्‍यातील गावभेट दौऱ्याला उत्स्फूर्त प्रतिसाद

अणे- जनतेला काय सुविधा दिल्या?, तरुणांना रोजगार मिळाला का? 15 वर्षांत कोणती विकासकामे झाली? हे साधे सरळ प्रश्‍न आहेत आणि ते आपण विचारणारच. हे प्रश्‍न उपस्थित केले म्हणून खालच्या पातळीवर खासदार टीका करतात. मात्र, आता परिवर्तनाशिवाय पर्याय नाही. जे 15 वर्षांत घडले नाही ते यापुढे दिसणार व त्यासाठी तरुणाईचा आवाज संसदेत पोहोचला पाहिजे, असे रोखठोक प्रतिपादन डॉ. अमोल कोल्हे यांनी केले.

शिरूर लोकसभा मतदारसंघातील राष्ट्रवादी कॉंग्रेस व महाआघाडीचे उमेदवार डॉ. अमोल कोल्हे यांच्या प्रचारार्थ जुन्नर तालुक्‍यात मंगळवारी (दि. 16) आयोजित केलेल्या गावभेट दौऱ्याला ग्रामस्थांचा उत्स्फूर्त प्रतिसाद मिळाला. इतकेच नाही तर, यंदा परिवर्तन अटळ हा नाराही गावागावातून देण्यात आला. तर अणे येथे झालेल्या सभेत डॉ. कोल्हे बोलत होते. यावेळी अतुल बेनके, गणपत फुलवडे, उज्ज्वला शेवाळे, सत्यशील शेरकर, संजय काळे, अशोक घोलप, गणपत फुलवडे, किशोर दांगट, शंकर पवार, शरद लेंडे, बाळासाहेब दांगट, दलित आघाडीचे संस्थापक अध्यक्ष अशोक अल्हाट, प्रकाश बालवडकर आदी मान्यवर उपस्थित होते. दलित आघाडीचे संस्थापक अध्यक्ष अशोक अल्हाट यांनी यावेळी आघाडीला जाहीर पाठिंबा दर्शविला.

डॉ. अमोल कोल्हे म्हणाले की, आज शिरूर लोकसभेची निवडणूक आहे. मात्र, मला राज्यातून फोन येत आहेत. आम्हाला तुमच्याबरोबर काम करायचे आहे. हाच विश्‍वास मी कमावला आहे. संसदेत सर्वसामान्यांचा, तरुणाईचा, महिलांचा, शेतकऱ्यांचा आवाज माझ्या रूपाने असणार आहे. हा माझा शब्द आहे. आज प्रत्येक गावात तरुणाईसह सर्व वर्गातून भरभरून प्रतिसाद मिळत असल्याचे त्यांनी नमूद केले.

Read more...

स्वागत सभेत अमोल कोल्हे उद्या काय बोलणार? महाराष्ट्राचे लागले लक्ष

सजग वेब टीम, जुन्नर

जुन्नर : शिवसेनेतून राष्ट्रवादीत प्रवेश केल्यानंतर डॉ. अमोल कोल्हे लगेच निवडणुकीच्या मैदानात उतरले आहेत. शिरूर मतदारसंघासाठीचा विधानसभास्तरीय मेळावा उद्या दुपारी २.०० वा. नारायणगाव याठिकाणी तर सायं. ०५.०० वा. भोसरी याठिकाणी होत असून प्रदेशाध्यक्ष जयंत पाटील, ज्येष्ठ नेते छगन भुजबळ, अजित पवार आणि धनंजय मुंडे हे जाहीर मेळाव्याला उपस्थित राहणार आहेत.

या स्वागत मेळाव्यात उद्या ते काय बोलणार याकडे संपूर्ण राज्याचे लक्ष लागले आहे. ‘स्वराज्यरक्षक संभाजी’ मालिकेच्या चित्रीकरणासाठी कोल्हे यांना करावा लागलेला संघर्ष, आर्थिक अडचणी आणि त्या संदर्भातील काही मुद्दे राजकिय आणि सामाजिक वर्तुळात सध्या चर्चेत आहेत. याच मालिकेवरून शिवसेनेतील काही नेते आणि पुणे जिल्ह्यातील एका महत्वाच्या खासदार व्यक्तीचे नाव न घेता त्यांनी केलेली टिका आणि वक्तव्ये यावर देखील ते प्रकाश टाकणार का? त्यांच्या स्वतःचे गाव नारायणगाव याठिकाणीच हि स्वागत सभा होत असल्याने कोल्हे या सभेत काय बोलणार याकडे राज्यातील सर्व राजकिय वर्तुळाचे लक्ष लागले.

राष्ट्रवादी काँग्रेस च्या वतीने मातब्बर नेते जिल्ह्यात येत असल्याने या दोन्ही ठिकाणच्या सभांना मोठी गर्दी होण्याची शक्यता आहे. या महत्वाच्या दोन सभांमुळे शिरूर मतदार संघातील राजकिय वातावरण मात्र ढवळून निघणार आहे यात मात्र शंका नाही.

Read more...

राष्ट्रवादीकडून अमोल कोल्हे यांना लोकसभेची उमेदवारी जवळपास निश्चित

सजग वेब टीम

राष्ट्रवादी काँग्रेस कडून अमोल कोल्हे यांना शिरूर लोकसभेची उमेदवारी जवळपास निश्चित

मुंबई | शिवसेनेला जय महाराष्ट्र करत प्रसिद्ध अभिनेते डॉ.अमोल कोल्हे यांनी आज अधिकृतरित्या राष्ट्रवादी काँग्रेस मध्ये प्रवेश केला. यावेळी प्रदेशाध्यक्ष आमदार जयंत पाटील, आमदार छगन भुजबळ, आमदार अजित पवार, आमदार दिलीप वळसे पाटील, विधान परिषदेचे विरोधी पक्षनेते आमदार धनंजय मुंडे, मुंबई प्रदेशाध्यक्ष सचिन अहिर, नवाब मलिक यांच्यासह पक्षातील अनेक नेते उपस्थित होते.

या पक्ष प्रवेशाच्या पार्श्वभूमीवर शिरूर लोकसभेची उमेदवारी हि डॉ. अमोल कोल्हे यांनाच देण्यात येईल अशी चर्चा राजकीय वर्तुळात होती. याच पार्श्वभूमीवर येत्या ५ मार्च पासून डॉ. अमोल कोल्हे शिरूर मतदारसंघाच्या संपर्क दौऱ्यावर जाणार असल्याची माहिती मिळत आहे. शिरूर लोकसभा मतदारसंघातील प्रत्येक विधानसभा मतदारसंघात ते सभा घेणार आहेत व या सभांसाठी प्रत्येक विधानसभा मतदारसंघातील स्थानिक नेते, कार्यकर्त्यांनी आपल्याला ठिकाणच्या होणाऱ्या सभेची जबाबदारी घेतली असल्याची माहिती मिळत आहे.

या सर्व घटना पाहता डॉ.कोल्हे यांच्या उमेदवारी संदर्भात पक्षाकडून अधिकृत घोषणा व्हायची फक्त बाकी आहे असच म्हणावे लागेल.

Read more...

आम्ही जुन्नरकर आणि अतुल बेनके यांच्या वतीने आयोजित नोकरी महोत्सवाला प्रचंड प्रतिसाद


– तब्बल तीन हजार जणांची नावनोंदणी, एक हजारहून जास्त जणांची जागेवरच नोकरीसाठी निवड

नारायणगाव | राष्ट्रवादी काँग्रेसचे युवा नेते अतुल बेनके आणि ‘आम्ही जुन्नरकर’ सामाजिक संस्था यांच्या वतीने नारायणगाव येथे आयोजित नोकरी महोत्सवाला सुशिक्षित युवक-युवतींचा प्रचंड प्रतिसाद मिळाला. या महोत्सवात जवळपास ३००० युवक-युवतींनी आपली नाव नोंदणी केली तर १००० हून अधिक जणांना मुलाखत घेऊन जागेवरच विविध कंपन्यांकडून ऑफर लेटर देण्यात आले. उर्वरित युवक-युवतींना देखील तातडीने पुढील काळात शैक्षणिक पात्रता आणि कंपन्यांचे नियमानुसार नोकरी देण्यात येणार आहे. या महोत्सवात बोलताना अतुल बेनके म्हणाले की “हा महोत्सव म्हणजे केवळ सुरुवात आहे. आज पासून माझ्या कार्यालयात ‘रोजगार’ या विषयाशी संबंधित स्वतंत्र विभाग निर्माण करण्यात आला आहे त्यात वर्षभर विविध शैक्षणिक पात्रता असलेल्या युवक-युवतींना रोजगार मिळवून देण्याच्या दृष्टीने प्रयत्न करण्यात येणार आहेत. यापुढील काळामध्ये केवळ शेतीवरच संपूर्ण कुटुंबाचा उदरनिर्वाह चालवणे अवघड होणार आहे. त्यामुळे युवकांनी उत्पन्नाचे साधन निर्माण करण्याच्या हेतूने स्वतःचे घर,गाव सोडून ज्या ठिकाणी नोकरीच्या संधी उपलब्ध असतील तेथे जाण्याची तयारी ठेवली पाहिजे. या संपूर्ण प्रक्रियेत मी स्वतः आणि ‘आम्ही जुन्नरकर’ फाउंडेशन यांचे सहकार्य आपल्याला नेहमी राहील”.

यावेळी प्रमुख पाहुणे मा.आमदार विलास लांडे यांनी देखील युवक-युवतींना स्वतःचा एक हॉटेल व्यावसायिक ते आज यशस्वी उद्योजक असा प्रवास सांगितला, यावेळी जिल्हा बँकेचे संचालक संजय काळे, ग्रामोन्नती मंडळाचे कार्याध्यक्ष अनिल तात्या मेहेर, राष्ट्रवादीचे तालुका अध्यक्ष पांडुरंग पवार, जिल्हा परिषद सदस्य शरद लेंडे, जि.प. सदस्य अंकुश आमले, राष्ट्रवादी काँग्रेसचे जुन्नर तालुक्याचे प्रवक्ते भाऊसाहेब देवाडे, मा.जि.प. सदस्य बबनराव तांबे, कार्याध्यक्ष तुषार थोरात, जिल्हा दूध संघाचे संचालक बाळासाहेब खिलारी, रमेश भुजबळ, अरुण पारखे, युवक चे अध्यक्ष सुरज वाजगे आदी मान्यवर उपस्थित होते.

रोजगाराच्या निमित्ताने ज्या गरजूंना प्रत्यक्ष अतुल बेनके यांना भेटायचे असल्यास दर गुरुवारी दुपारी २.०० ते ५.०० या वेळात अतुल बेनके यांच्या कार्यालयात ते स्वतः उपस्थित राहणार असल्याचे त्यांनी सांगितले.

Read more...

नारायणगाव येथे सेव्हन अ साईड फुटबॉल लीग चे आयोजन

 

नारायणगाव येथे सेव्हन अ साईड फुटबॉल लीग चे आयोजन

सजग वेब टीम

नारायणगाव | अतुलदादा बेनके युवा मंच यांच्या वतीने जुन्नर तालुका फुटबॉल असोसिएशन, पुणे आयोजित सेेव्हन अ साईड फुटबॉल लीगचे आयोजन, नारायणगाव येथील शिवमुक्ताई मंगल कार्यालय मैदानात करण्यात आले आहे. या स्पर्धेच्या उदघाटन प्रसंगी राष्ट्रवादी काँग्रेसचे युवा नेते अतुल बेनके यांनी पहिल्या सामन्याची नाणेफेक करून सामन्यांना सुरुवात करून दिली. या सामन्यांमध्ये आठ संघांनी सहभाग घेतला आहे. या संघांमध्ये जुन्नर व आंबेगाव तालुक्यातील खेळाडूंचा समावेश असून सर्व संघ मालक हे जुन्नर तालुक्यातील आहेत.

या फुटबॉल लीग च्या मार्फत जुन्नर तालुका व पंचक्रोशीतील फुटबॉल खेळाडूंना प्रोत्साहन दिले जात आहे. या वेळी “फुटबॉल या क्रीडाप्रकारामध्ये जुन्नर तालुक्यातील खेळाडू नक्कीच आपले कौशल्य आणि अस्तित्व सिद्ध करतील”,त्यांच्या पुढील वाटचालीसाठी शुभेच्छा देत “खेळाडूंना प्रोत्साहन मिळावे या साठी अतुल बेनके नेहमी मदतआणि प्रयत्नशील राहील “अशा प्रकारच्या भावना त्यांनी व्यक्त केल्या.

या सामन्यांचे प्रमुख वैशिष्ट्य म्हणजे या सामन्यात खेळणारे ८ खेळाडू आंतरराष्ट्रीय पातळीवर खेळलेले आहेत.

यास्पर्धेच्या उदघाटन समारंभावेळी सुजीत खैरे, अमित बेनके, शेखर शेटे, संतोष वाजगे,विकास बाळसराफ, जयेश कोकणे, किरण वाजगे, अतुल आहेर, सुदीप कसाबे, अजित वाजगे, नारायण वर्पे, संदीपभाऊ मुळे, विलास नरवडे, विशाल बानखेले, नितीन शेंडे आदी मान्यवर उपस्थित होते.

Read more...

आम्ही जुन्नरकर व अतुल बेनके यांच्या पुढाकाराने भव्य नोकरी महोत्सवाचे नारायणगाव येथे आयोजन

आम्ही जुन्नरकर व अतुल बेनके यांच्या पुढाकाराने भव्य नोकरी महोत्सवाचे नारायणगाव याठिकाणी आयोजन

सजग वेब टीम

नारायणगाव | आम्ही जुन्नरकर सामाजिक संस्था व जुन्नर तालुका राष्ट्रवादी काँग्रेसचे युवा नेते अतुल बेनके यांच्या संयुक्त विद्यमाने भव्य नोकरी महोत्सवाचे आयोजन नारायणगाव याठिकाणी करण्यात आले आहे.
हा महोत्सव रविवार दि.२७ जानेवारी २०१९ रोजी सकाळी १०.०० वा. सुरू होणार असून नारायणगाव येथील ब्लूमिंगडेल_हायस्कूल, पुणे नाशिक हायवे कुकडी कॉलनी याठिकाणी हा महोत्सव आयोजित करण्यात आला आहे.
नोकरी महोत्सवात सहभागी होण्यासाठी खालील अटी आणि पात्रता आवश्यक आहे.

वयोमर्यादा:- १८ ते २५ वर्षे
शैक्षणिक पात्रता- दहावी पास, बारावी पास, ITI, MCVC, डिप्लोमा व पदवीधर व इतर

तसेच उमेदवारांसाठी नाव नोंदणीसाठीची मुदत
२५ जानेवारी २०१९ सायं ०५.०० वाजेपर्यंत आहे. तसेच दूरच्या उमेदवारांनी दूरध्वनीवरून ९९६५३४४११० या क्रमांकावर फोन करून नोंदणी करावी.

कॅन्टीन आणि ट्रान्सपोर्ट सुविधा
(कंपनी नियमानुसार)

मुलाखती झाल्यानंतर पात्र उमेदवाराची जागेवरच निवड करण्यात येईल.

या महोत्सवासाठी कोणतेही शुल्क आकारले जाणार नाही.

अशी माहिती नोकरी महोत्सवाच्या व्यवस्थापकांनी दिली आहे.

जुन्नर तालुक्यातील युवक युवतींसाठी हा महोत्सव म्हणजे रोजगार आणि प्रशिक्षण सुवर्णसंधी घेऊन आला आहे.
त्याचा इच्छूकांनी लाभ घ्यावा आणि आपल्या करिअरसाठी योग्य दिशा मिळवण्यासाठी, स्वावलंबी बनून आपल्या पायावर उभे राहण्यासाठी मोठ्या संख्येने या महोत्सवात सहभागी व्हावे असे आवाहन राष्ट्रवादी काँग्रेसचे युवानेते अतुल बेनके आणि आम्ही जुन्नरकर सामाजिक संस्था यांच्या वतीने करण्यात आले आहे.

Read more...
Open chat