परिवर्तनाशिवाय पर्याय नाही, तरुणाईचा आवाज संसदेत पोहोचणार – डॉ. अमोल कोल्हे

सजग वेब टीम, जुन्नर 

डॉ. अमोल कोल्हे : जुन्नर तालुक्‍यातील गावभेट दौऱ्याला उत्स्फूर्त प्रतिसाद

अणे- जनतेला काय सुविधा दिल्या?, तरुणांना रोजगार मिळाला का? 15 वर्षांत कोणती विकासकामे झाली? हे साधे सरळ प्रश्‍न आहेत आणि ते आपण विचारणारच. हे प्रश्‍न उपस्थित केले म्हणून खालच्या पातळीवर खासदार टीका करतात. मात्र, आता परिवर्तनाशिवाय पर्याय नाही. जे 15 वर्षांत घडले नाही ते यापुढे दिसणार व त्यासाठी तरुणाईचा आवाज संसदेत पोहोचला पाहिजे, असे रोखठोक प्रतिपादन डॉ. अमोल कोल्हे यांनी केले.

शिरूर लोकसभा मतदारसंघातील राष्ट्रवादी कॉंग्रेस व महाआघाडीचे उमेदवार डॉ. अमोल कोल्हे यांच्या प्रचारार्थ जुन्नर तालुक्‍यात मंगळवारी (दि. 16) आयोजित केलेल्या गावभेट दौऱ्याला ग्रामस्थांचा उत्स्फूर्त प्रतिसाद मिळाला. इतकेच नाही तर, यंदा परिवर्तन अटळ हा नाराही गावागावातून देण्यात आला. तर अणे येथे झालेल्या सभेत डॉ. कोल्हे बोलत होते. यावेळी अतुल बेनके, गणपत फुलवडे, उज्ज्वला शेवाळे, सत्यशील शेरकर, संजय काळे, अशोक घोलप, गणपत फुलवडे, किशोर दांगट, शंकर पवार, शरद लेंडे, बाळासाहेब दांगट, दलित आघाडीचे संस्थापक अध्यक्ष अशोक अल्हाट, प्रकाश बालवडकर आदी मान्यवर उपस्थित होते. दलित आघाडीचे संस्थापक अध्यक्ष अशोक अल्हाट यांनी यावेळी आघाडीला जाहीर पाठिंबा दर्शविला.

डॉ. अमोल कोल्हे म्हणाले की, आज शिरूर लोकसभेची निवडणूक आहे. मात्र, मला राज्यातून फोन येत आहेत. आम्हाला तुमच्याबरोबर काम करायचे आहे. हाच विश्‍वास मी कमावला आहे. संसदेत सर्वसामान्यांचा, तरुणाईचा, महिलांचा, शेतकऱ्यांचा आवाज माझ्या रूपाने असणार आहे. हा माझा शब्द आहे. आज प्रत्येक गावात तरुणाईसह सर्व वर्गातून भरभरून प्रतिसाद मिळत असल्याचे त्यांनी नमूद केले.

Read more...

स्वागत सभेत अमोल कोल्हे उद्या काय बोलणार? महाराष्ट्राचे लागले लक्ष

सजग वेब टीम, जुन्नर

जुन्नर : शिवसेनेतून राष्ट्रवादीत प्रवेश केल्यानंतर डॉ. अमोल कोल्हे लगेच निवडणुकीच्या मैदानात उतरले आहेत. शिरूर मतदारसंघासाठीचा विधानसभास्तरीय मेळावा उद्या दुपारी २.०० वा. नारायणगाव याठिकाणी तर सायं. ०५.०० वा. भोसरी याठिकाणी होत असून प्रदेशाध्यक्ष जयंत पाटील, ज्येष्ठ नेते छगन भुजबळ, अजित पवार आणि धनंजय मुंडे हे जाहीर मेळाव्याला उपस्थित राहणार आहेत.

या स्वागत मेळाव्यात उद्या ते काय बोलणार याकडे संपूर्ण राज्याचे लक्ष लागले आहे. ‘स्वराज्यरक्षक संभाजी’ मालिकेच्या चित्रीकरणासाठी कोल्हे यांना करावा लागलेला संघर्ष, आर्थिक अडचणी आणि त्या संदर्भातील काही मुद्दे राजकिय आणि सामाजिक वर्तुळात सध्या चर्चेत आहेत. याच मालिकेवरून शिवसेनेतील काही नेते आणि पुणे जिल्ह्यातील एका महत्वाच्या खासदार व्यक्तीचे नाव न घेता त्यांनी केलेली टिका आणि वक्तव्ये यावर देखील ते प्रकाश टाकणार का? त्यांच्या स्वतःचे गाव नारायणगाव याठिकाणीच हि स्वागत सभा होत असल्याने कोल्हे या सभेत काय बोलणार याकडे राज्यातील सर्व राजकिय वर्तुळाचे लक्ष लागले.

राष्ट्रवादी काँग्रेस च्या वतीने मातब्बर नेते जिल्ह्यात येत असल्याने या दोन्ही ठिकाणच्या सभांना मोठी गर्दी होण्याची शक्यता आहे. या महत्वाच्या दोन सभांमुळे शिरूर मतदार संघातील राजकिय वातावरण मात्र ढवळून निघणार आहे यात मात्र शंका नाही.

Read more...

अमोल कोल्हे यांची जुन्नर, भोसरी मध्ये स्वागत सभा, राष्ट्रवादीकडून शक्ती प्रदर्शन

सजग वेब टीम, जुन्नर

जुन्नर : शिवसेनेतून राष्ट्रवादीत प्रवेश केल्यानंतर डॉ. अमोल कोल्हे लगेच निवडणुकीच्या मैदानात उतरले आहेत. शिरूर मतदारसंघासाठीचा विधानसभा स्तरीय मेळावा उद्या दुपारी २.०० वा. नारायणगाव याठिकाणी तर सायं. ०५.०० वा. भोसरी याठिकाणी होत असून या मेळाव्यांमध्ये राष्ट्रवादीचे प्रदेशाध्यक्ष जयंत पाटील हे डॉ कोल्हे यांची शिरूरमधून उमेदवारी जाहीर करतील, असा अंदाज आहे.

प्रदेशाध्यक्ष जयंत पाटील, ज्येष्ठ नेते छगन भुजबळ, अजित पवार आणि धनंजय मुंडे हे जुन्नर आणि भोसरीतील जाहीर मेळाव्याला उपस्थित राहणार आहेत. शिरूर लोकसभेसाठी राष्ट्रवादीतून उमेदवारीसाठी इच्छुक असलेले माजी आमदार विलास लांडे यांच्या भोसरी विधानसभा मतदारसंघातूनच किंवा कोल्हे यांच्या जुन्नर तालुक्यातील नारायणगाव च्या मेळाव्यात कोल्हेंच्या नावाची घोषणा होणार आहे असा अंदाज बांधला जात आहे.

शिरूर मतदारसंघ यावेळी कुठल्याही परिस्थितीत पुन्हा ताब्यात घेण्याचा चंग राष्ट्रवादीने बांधलेला आहे. त्यातूनच डॉ कोल्हे यांना तेथून उमेदवारी दिली जाणार आहे. त्याची जंगी घोषणा आणि प्रचाराची धडाक्यात सुरुवात करण्यासाठी पक्षाची सर्वच मातब्बर नेतेमंडळी परिवर्तन यात्रेनंतर प्रथमच पिंपरी चिंचवड शहरात आणि पुणे जिल्ह्यात येत आहेत. त्याकरीता भोसरीतील सर्वात मोठे गावजत्रा मैदान बुक करण्यात आले आहे.

Read more...

प्रसिद्ध अभिनेते डॉ. अमोल कोल्हे यांचा राष्ट्रवादीत प्रवेश; शिरूर लोकसभा लढवणार?

सजग वेब टीम

शिरूर लोकसभा मतदारसंघातून अमोल कोल्हे हे राष्ट्रवादीच्या तिकिटावर निवडणूक लढवण्याची शक्यता

पुणे | छत्रपती संभाजी राजे मालिकामुळे चर्चेत असलेले अभिनेता अमोल कोल्हे राष्ट्रवादी काँग्रेस पक्षात प्रवेश करणार असल्याची माहिती सूत्रांनी दिली आहे. राष्ट्रवादीच्या प्रमुख नेत्यांच्या उपस्थित कोल्हे यांचा उद्या पक्षप्रवेश होणार असल्याची माहिती समोर आली आहे.

आगामी लोकसभा निवडणुकीत शिरूर लोकसभा मतदारसंघातून अमोल कोल्हे हे राष्ट्रवादीच्या तिकिटावर निवडणूक लढवण्याची शक्यता आहे. कोल्हे यांच्यासह उद्या दोन माजी आमदारांचाही राष्ट्रवादीत प्रवेश होणार आहे. राष्ट्रवादीचे नेते अजित पवार, प्रदेशाध्यक्ष जंयत पाटील, दिलीप वळसे पाटील यांच्या उपस्थित मुंबईत प्रवेश होणार आहे. अमोल कोल्हे हे सध्या शिवसेनेत आहे. त्यामुळे हा शिवसेनेला धक्का मानला जात आहे.
काही दिवसांआधी पुणे लोकसभा मतदारसंघात काँग्रेसचे संभाव्य उमेदवार आणि संभाजी ब्रिगेडचे नेते प्रवीण गायकवाड यांनी बारामतीमधील गोविंद बाग इथल्या निवासस्थानी राष्ट्रवादी काँग्रेसचे अध्यक्ष शरद पवार यांची भेट घेतली. यावेळी अभिनेते अमोल कोल्हे हेदेखील त्यांच्यासोबत होते.

या दोघांनी शरद पवारांची भेट घेतल्याने राजकीय चर्चांना उधाण आलं होतं. पण ही सदिच्छा भेट असल्याचं सांगण्यात आलं होतं. परंतु, आता अमोल कोल्हे राष्ट्रवादीत दाखल होणार असल्यामुळे चर्चांना उधाण आलं आहे.

Read more...
Open chat