Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/plugins/revslider/includes/operations.class.php on line 2758

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/plugins/revslider/includes/operations.class.php on line 2762

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/plugins/revslider/includes/output.class.php on line 3706

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/themes/porto/inc/admin/ReduxCore/inc/extensions/customizer/extension_customizer.php on line 751

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/themes/porto/inc/admin/ReduxCore/inc/extensions/customizer/extension_customizer.php on line 795

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/themes/porto/inc/admin/ReduxCore/inc/extensions/customizer/extension_customizer.php on line 831

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/themes/porto/inc/admin/ReduxCore/inc/extensions/customizer/extension_customizer.php on line 839

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/themes/porto/inc/admin/ReduxCore/inc/extensions/customizer/extension_customizer.php on line 893

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/themes/porto/inc/admin/ReduxCore/inc/extensions/customizer/extension_customizer.php on line 917

Warning: "continue" targeting switch is equivalent to "break". Did you mean to use "continue 2"? in /home/sajagtimes/public_html/wp-content/themes/porto/inc/admin/ReduxCore/inc/extensions/customizer/extension_customizer.php on line 955
शिक्षण | Sajag Times

नीट’ परीक्षेत कुकडी व्हॅली पब्लिक स्कूल च्या विद्यार्थ्यांचे उल्लेखनीय यश

नीट’ परीक्षेत कुकडी व्हॅली पब्लिक स्कूल च्या विद्यार्थ्यांचे उल्लेखनीय यश

सजग टाईम्स न्यूज, नारायणगाव

नारायणगाव | वैद्यकीय पदवी प्रवेशासाठी आवश्यक असणाऱ्या नीट प्रवेश परीक्षेचा निकाल जाहीर झाला असून या परीक्षेमध्ये जुन्नर तालुक्यातील ग्रामीण भागातील कुकडी व्हॅली पब्लिक स्कूल अँड ज्युनियर कॉलेजची नेहल निलेश भळगट या विद्यार्थिनीने ७२० पैकी ६७५ गुण मिळवून देशात ९३५ वा क्रमांक पटकावून उत्कृष्ट यश संपादन केले आहे. ग्रामीण भागात नीट चे शिक्षण घेऊन एवढे मोठे यश मिळविणारी पहिली मुलगी ठरली आहे.
या परीक्षेसाठी कुकडी व्हॅली पब्लिक स्कूल मधून ३५ विद्यार्थी बसले होते त्यापैकी ६०० पेक्षा अधिक गुण मिळवणारे १ व ५०० पेक्षा अधिक गुण मिळवणारे २ विदयार्थी आहेत. यामध्ये तन्वी रामदास काळे हिला ५५५ तर वैदेही मनोहर कवडे हिला ५१४ गुण आहेत.

कोरोनाच्या पार्श्वभूमीवर लॉकडाऊन असल्याने विद्यार्थ्यांना नीट परीक्षेचा अभ्यास करण्यासाठी भरपूर वेळ मिळाला होता या संधीचा पुरेपूर फायदा घेऊन अनेक विद्यार्थ्यांना या परीक्षेमध्ये घवघवीत यश संपादन केले आहे. जुन्नर तालुक्यात एका ग्रामीण भागात असणाऱ्या शाळेमध्ये शिक्षण घेऊनही आपण वैद्यकीय प्रवेश परीक्षेसाठी आवश्यक असणाऱ्या ‘नीट’ परीक्षा मध्ये चांगले मार्क पाडू शकतो. त्यासाठी मोठा खर्च करून पुण्याला किंवा इतरत्र जाण्याची गरज नाही. शिकविण्यासाठी चांगले शिक्षक व मन लावून नेटाने अभ्यास केला तर नीट परीक्षेमध्ये आपण ग्रामीण भागात शिक्षण घेऊनही चांगले मार्क पाडू शकतो हे या मुलांनी मिळवलेल्या गुणांवरून सिद्ध झाले आहे.

यशस्वी विद्यार्थ्यांचे सर्व स्तरातून कौतुक होत असून शाळेचे सचिव विष्णू थोरवे, शिक्षक, कर्मचारी, पालक यांनी या विद्यार्थ्यांना पुष्पगुच्छ देऊन अभिनंदन करून पुढील वाटचालीस शुभेच्छा दिल्या.

आपल्या मुलांना चांगले गुण मिळावे त्यांना वैद्यकीय प्रवेश मिळावा यासाठी जुन्नर तालुक्यातून अनेक पालक आपल्या विद्यार्थ्यांना मोठा खर्च करून पुणे या ठिकाणी पाठवत आहेत मात्र ग्रामीण भागातही चांगले शिक्षक मिळाले तर मुले अभ्यास करून चांगले गुण संपादित करू शकतात. ग्रामीण भागातील वातावरण हे अभ्यासासाठी पोषक आहे त्यामुळे पालकांनी यापुढील काळात याचा विचार करणे आवश्यक आहे.

Read more...

ब्लूमिंगडेल इंटरनॅशनल स्कूलच्या ऑनलाईन उपक्रमांचे जागतिक पातळीवर झाले कौतुक

ब्लूमिंगडेल इंटरनॅशनल स्कूलच्या ऑनलाईन उपक्रमांचे जागतिक पातळीवर झाले कौतुक

स्वप्निल ढवळे, सजग टाईम्स न्यूज

नारायणगाव | नारायणगाव येथील ब्लूमिंगडेल इंटरनॅशनल स्कूल च्या नाविन्यपूर्ण उपक्रमांना जागतिक पातळीवर एक वेगळी ओळख मिळाली आहे.

जागतिक शिक्षक दिनानिमित्त आयोजित पाचव्या ग्लोबल एज्युकेशन अँड स्किल समिट २०२० चे ऑनलाईन आयोजन नुकतेच करण्यात आले होते. यामध्ये भारत व इतर देशातील शैक्षणिक तज्ञांनी व्हर्च्युअली आपली मते मांडली. या समिटमध्ये नारायणगाव येथील ब्लूमिंगडेल स्कूलच्या प्राचार्या उषा मूर्ती यांनाही वक्ता म्हणून आमंत्रित करण्यात आले होते.

शैक्षणिक वर्ष २०१९-२० मध्ये मुलांचा अवघ्या वय वर्षे चार पासूनच शैक्षणिकच नव्हे तर मुलांचा सर्वांगीण विकास व्हायला हवा हा वसा घेऊन काही नाविन्यपूर्ण उपक्रम जसे कम्युनिकेटीव लँग्वेज प्रोग्रॅम, सर्कल टाईम, फॅमिली सपोर्ट बिल्डींग अॅक्टिविटीज, कल्चरल अॅक्टिविटी, मुलांच्या गरजेप्रमाणे व अभ्यासक्रमानुसार पुस्तकांचे प्रकाशन इत्यादी उपक्रम प्राचार्या उषा मूर्ती यांच्या मार्गदर्शनाखाली शाळेत सुरू करण्यात आले. या माध्यमातून मुलांच्या सुप्त गुणांना वाव देण्यात आला. या सर्व उपक्रमांचे सादरीकरण प्राचार्या उषा मूर्ती यांनी ऑनलाईन व्हिडिओ प्रेझेंटेशनद्वारे केले. या उपक्रमांचे भरभरून कौतुक या समिटमध्ये करण्यात आले व ब्लूमिंगडेल प्री स्कूल ला बेस्ट स्कूल इन इनोव्हेटिव्ह अँड क्रिएटिव्ह टेक्निक इनिशिएटीव्ह पुरस्काराने सन्मानित करण्यात आले.

हा पुरस्कार मिळविण्यात शाळेच्या विद्यार्थी, शिक्षक व पालक वर्गाचा सिंहाचा वाटा आहे. या सर्वांनी विविध उपक्रमांच्या संकल्पनेला सत्यात उतरवले व विद्यार्थी, शिक्षक तसेच पालक यांच्यामधील संवादाला एक नवी ओळख करून दिली असे उषा मुर्ती यांनी सांगितले.

नवनवीन उपक्रम राबवून मुलांचा सर्वांगीण विकास करण्यासाठी संस्थेच्या खजिनदार गौरी अतुल बेनके या मोलाचे सहकार्य व साथ देत असतात. त्यांच्या सहयोगाने व पुढाकाराने हे उपक्रम यशस्वीपणे पार पाडता येतात असेही मूर्ती यावेळी म्हणाल्या.

कोविड-१९ च्या संकटकालीन परिस्थितीमध्ये सुद्धा लॉकडाऊन सुरु असताना मुलांचे शैक्षणिक नुकसान होऊ नये म्हणून त्वरित व्हर्च्युअल ऑनलाईन शिक्षण सुरू करण्याचा दूरदर्शी निर्णय अवघ्या १५ दिवसातच ब्लूमिंगडेल इंटरनॅशनल स्कूल व ज्युनियर कॉलेजच्या मॅनेजमेंट व प्राचार्यांनी घेतला. आज पर्यंत त्याचे नियमित व यशस्वी नियोजन सुरू आहे. अगदी नर्सरी पासून इयत्ता १२वी पर्यंतचे क्लासेस सुरू करण्याकरिता सर्व शिक्षक वर्ग, विद्यार्थी व पालकांना सुद्धा वेळोवेळी माहिती व गरज पडल्यास ट्रेनिंग देऊन त्यांनाही नवीन ऑनलाइन शिक्षण पद्धती आत्मसात करण्यास ब्लूमिंगडेलचे प्रयत्न सुरू आहेत व त्यात त्यांनी उल्लेखनीय यश मिळवले आहे अशी माहिती प्राचार्य मूर्ती यांनी ग्लोबल समिटमध्ये दिली.

आदर्श विद्यार्थी घडविणे या ध्येयाचे पुन्हा उच्चारण करत गौरी बेनके यांनी सर्व विद्यार्थी, शिक्षक व पालक वर्गाच्या सहयोगाचे कौतुक केले. ठरविलेले ध्येय पूर्ण करण्यास शाळा नेहमीच अग्रेसर राहील. शैक्षणिक पद्धतीचे स्वरूप काळानुसार कितीही बदलले तरीही ब्लूमिंगडेल पूर्णपणे हे बदल आत्मसात करून विद्यार्थ्यांना योग्य रित्या घडवत राहील असे मतही त्यांनी व्यक्त केले.

ज्ञानदा एज्युकेशन सोसायटीचे कार्याध्यक्ष व जुन्नर तालुक्याचे आमदार अतुल वल्लभशेठ बेनके यांनी ही ब्लूमिंगडेल इंटरनॅशनल स्कूल व ज्युनियर कॉलेजच्या या जागतिक पुरस्काराचा उल्लेखनीय सन्मान केला व विद्यार्थ्यांना सक्षम बनवणे हे ध्यासपूर्ण कार्य संस्था नेहमीच करते असे ही मत त्यांनी व्यक्त करून सर्वांचे अभिनंदन व कौतुक केले.

आदर्श विद्यार्थी घडविणे हे ध्येय समोर ठेवून संस्थेचे सर्व कर्मचारी, संचालक व व्यवस्थापन कार्यरत आहे व संस्थेच्या प्रगतीबाबत समाधानी आहोत असे गौरी बेनके यांनी यावेळी बोलताना सांगितले. तसेच सर्व विद्यार्थी, शिक्षक व पालक वर्गाच्या सहयोगाचे कौतुक यावेळी त्यांनी केले. नवनवीन उपक्रम व आदर्श विद्यार्थी घडविण्यात शाळा नेहमीच अग्रेसर राहील. शैक्षणिक पद्धतीचे बदलते स्वरूप काळानुसार कितीही बदलले तरीही ब्लूमिंगडेल हे बदल आत्मसात करून विद्यार्थ्यांना योग्य पद्धतीने घडवत राहील असे मतही त्यांनी व्यक्त केले.

ज्ञानदा एज्युकेशन सोसायटीचे कार्याध्यक्ष व जुन्नर तालुक्याचे आमदार अतुल वल्लभशेठ बेनके यांनी ही ब्लूमिंगडेल इंटरनॅशनल स्कूल व ज्युनियर कॉलेजच्या या जागतिक पुरस्काराबद्दल उल्लेखनीय यशाबद्दल संस्थेच्या कर्मचारी, शिक्षक वृंद यांचे अभिनंदन केले आहे. बदलत्या काळात नव्या युगात विद्यार्थ्यांना सक्षम बनवणे हे ध्येय समोर ठेवून संस्था नेहमीच कार्यरत राहील असे मत त्यांनी व्यक्त करून सर्वांचे अभिनंदन व कौतुक केले.

Read more...

९९.६० % मिळवणाऱ्या ऋतुजाचे खा.अमोल कोल्हे यांनी स्विकारले पालकत्व

९९.६० % मिळवणाऱ्या ऋतुजाचे खा.अमोल कोल्हे यांनी स्विकारले पालकत्व 

सजग टाईम्स न्यूज, जुन्नर

नारायणगाव | दहावीच्या परीक्षेत ९९.६० गुण मिळवून डॉक्टर होण्याचे स्वप्न पाहणाऱ्या बोतार्डे गावच्या (आमलेवाडी) ऋतुजा प्रकाश आमले या विद्यार्थीनीचे खासदार डॉ. अमोल कोल्हे यांनी शैक्षणिक पालकत्व स्विकारुन डॉक्टर होण्याचे तिचे स्वप्न पूर्ण करण्यासाठी सर्वतोपरी मदत देण्याचे आश्वासन दिले आहे. तसेच ऑनलाईन शिक्षण घेता यावे यासाठी खासदार डॉ. अमोल कोल्हे यांच्या ‘जगदंब प्रतिष्ठान’च्या वतीने अॅण्ड्रॉईड मोबाईल भेट देण्यात आला.

जुन्नर तालुक्यातील आदिवासी ‘पेसा’ क्षेत्रातील आमलेवाडी बोतार्डे येथील ऋतुजाने दहावीच्या परीक्षेची तयारी करताना घराच्या भिंतीवर ९९.९९ टक्के गुण मिळवून डॉक्टर होण्याची इच्छा प्रकट केली होती. त्यानुसार ९९.६० टक्के गुण मिळवून पहिलं स्वप्नं पूर्ण केले. अतिशय गरीब कुटुंबातील ऋतुजाच्या पंखास बळ देण्याबाबतचे वृत्त प्रसिद्ध होताच त्याची तातडीने दखल घेऊन डॉ. कोल्हे यांनी तातडीने आपल्या ‘जगदंब प्रतिष्ठान’चे श्री. विजय कोल्हे, महाराष्ट्र टाईम्सचे पत्रकार धर्मेंद्र कोरे, अतुल कांकरिया, अतुल आहेर, जयेश कोकणे, शेखर शेटे, आशिष हांडे, तेजस झोडगे आदी सहकाऱ्यांना ऋतुजाच्या घरी पाठवले. श्री. विजय कोल्हे यांच्या हस्ते ऋतुजाला ऑनलाईन अभ्यासासाठी आवश्यक असणारा अॅण्ड्रॉईड मोबाईल भेट देण्यात आला. तसेच तिचे डॉक्टर होण्याचे स्वप्न पूर्ण करण्यासाठी तिचे शैक्षणिक पालकत्व स्वीकारुन सर्वतोपरी मदत करण्याचे आश्वासन दिले.

वर्तमानपत्रात छापून आलेल्या बातमीची दखल घेऊन तातडीने ऋतुजाचे शैक्षणिक पालकत्व स्वीकारल्याबद्दल तिच्या कुटुंबीयांनी समाधान व्यक्त करीत अशाप्रकारे संवेदनशीलपणे काम करणारा खासदार लोकप्रतिनिधी लाभला याचा मनस्वी आनंद व्यक्त केला.

या संदर्भात खासदार डॉ. कोल्हे म्हणाले की, ग्रामीण भागातील विशेषतः बोतार्डेसारख्या आदिवासी क्षेत्रातील हलाखीची परिस्थिती असलेल्या कुटुंबातील एक मुलगी कष्टाने शैक्षणिक यश मिळवते, डॉक्टर होऊन समाजाची सेवा करण्याचा निश्चय करते हीच मुळात कौतुकास्पद बाब आहे. अशा गुणवान व आपल्या समाजासाठी काहीतरी करण्याची मनिषा बाळगणाऱ्या ऋतुजाचे शैक्षणिक पालकत्व स्वीकारुन तिचे स्वप्न पूर्ण करण्यासाठी मदत करण्याचं भाग्य मला लाभलं ही माझ्यासाठी अतिशय महत्त्वाची बाब आहे, अशी भावना डॉ. कोल्हे यांनी व्यक्त केली.

Read more...

जुन्नर तालुक्यातील ४७ शाळांचा दहावीचा निकाल १०० टक्के

जुन्नर तालुक्यातील ४७ शाळांचा दहावीचा निकाल १०० टक्के

सजग वेब टीम, जुन्नर

जुन्नर | महाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने घेण्यात आलेल्या दहावी परीक्षेचा निकाल जाहीर झाला असून जुन्नर तालुक्यातील निकाल हा ९७.७७ टक्के इतका लागला आहे. संपूर्ण राज्यातील दहावीचा निकालही गतवर्षीच्या तुलनेत १८ टक्क्यांनी जास्त लागला आहे. शालेय अंतर्गत मूल्यमापन, तोंडी परीक्षा, कृती पत्रिका आणि भूगोलाचे सरासरी गुण यामुळे यावर्षी निकालाची टक्केवारी जास्त दिसत आहे असा अनुमान शिक्षण तज्ञांनी व्यक्त केला आहे.

जुन्नर तालुक्यातील ८९ शाळांमधील ५४०० विद्यार्थी या परीक्षेस बसले होते. त्यापैकी ५२८० विद्यार्थी उत्तीर्ण झाले असून त्यातील १९९१ विद्यार्थ्यांनी विशेष प्रावीण्य मिळवले आहे. तर प्रथम श्रेणीत १९६१ व द्वितीय श्रेणीत ११२५ विद्यार्थी उत्तीर्ण झाल्याची माहिती गटशिक्षण अधिकारी पांडुरंग मेमाणे यांनी दिली आहे.

जुन्नर तालुक्यातील ८९ शाळांपैकी तब्बल ४७ शाळांचा निकाल १०० टक्के लागल्याची माहिती जुन्नर तालुका मुख्याध्यापक संघाचे अध्यक्ष तबाजी वाघदरे यांनी दिली आहे. आमदार अतुल बेनके यांनी सर्व उत्तीर्ण विद्यार्थी, पालक व शिक्षकांचे अभिनंदन केले आहे.

जुन्नर तालुक्यातील प्रथम तीन क्रमांकाचे मानकरी

प्रथम- ९९.६० टक्के
ऋतुजा प्रकाश आमले(अण्णासाहेब आवटे विद्यामंदिर, जुन्नर),
द्वितीय- ९९.२० टक्के
चैत्राली ज्ञानदेव गायकर- (चैतन्य विद्यालय, ओतुर)
तृतीय- ९९.०० टक्के
वैष्णवी मयूर अमूप (सरस्वती विद्यालय उदापूर)
तालुक्यातील १०० टक्के निकाल लागलेल्या शाळा पुढीलप्रमाणे- गुरुवर्य रा. प. सबनीस विद्यामंदिर (नारायणगाव), विद्या विकास मंदिर (राजुरी), सरदार पटेल हायस्कूल (आणे), अंजुमन हायस्कूल (जुन्नर), श्री श्री संभाजी विद्यालय (बोरी), श्री विघ्नहर विद्यालय (ओझर), शिवनेरी विद्यालय (धोलवड), आणे माळशेज हायस्कूल, मढ, पुष्पावती विद्यालय (डिंगोरे), सरस्वती विद्यालय (उदापूर), आश्रमशाळा खिरेश्वर, आश्रमशाळा अंजनावळे, अनंतराव कुलकर्णी इंग्लिश मीडियम (नारायणगांव), न्यू इंग्लिश स्कूल (खामुंडी), सावळाराम बुवा दांगट विद्यालय (उंब्रज), इंदिरा गांधी हायस्कूल (बेल्हे), आश्रम शाळा सोनवणे गुरुवर्य गोविंददेव प्रशाला (बोरी), डॉ. बाबासाहेब आंबेडकर विद्यालय (तांबे), न्यू इंग्लिश स्कूल (राजुर नं. १), शारदाबाई पवार विद्यालय (आंबेगव्हाण), श्री लेण्याद्री विद्यामंदिर (बल्लाळवाडी), ज्ञानदा माध्यमिक विद्यालय (मंगरूळ), सोमतवाडी आश्रमशाळा शितळेश्वर विद्यालय (सितेवाडी), समर्थ मधुकरराव विद्यालय (चिंचोली), कुलस्वामी श्री खंडेराय विद्यालय (हिवरे तर्फे नारायणगाव), कुलस्वामी विद्यामंदिर (वडज), अजितदादा पवार हायस्कूल (देवळे), ग्रामोन्नती मंडळ (गुंजाळवाडी), न्यू इंग्लिश स्कूल (नगदवाडी), न्यू इंग्लिश स्कूल (धामणखेल), न्यू इंग्लिश स्कूल (करंजाळे), न्यू इंग्लिश स्कूल (शिरोली बु.), ज्ञानदा माध्यमिक विद्यालय (गोद्रे), शिवछत्रपती माध्यमिक विद्यालय (आळेफाटा), श्री जगदंबा विद्यालय (जाधववाडी), जे. आर. गुंजाळ इंग्लिश मीडियम स्कूल (आळेफाटा), शेठ नेनसुख मुथा स्कुल (जुन्नर), ज्ञानराज इंग्लिश मीडियम स्कूल (आळे), शंकरराव बुट्टे पाटील इंग्लिश मीडियम (जुन्नर), कर्पदिकेश्वर इंग्लिश स्कूल (ओतूर), हांडे देशमुख हायटेक स्कूल (आळेफाटा), विद्या निकेतन हायस्कूल (साकोरी), रामकृष्ण मोरे इंग्लिश मीडियम स्कूल (शिरोली), हिरा इंग्लिश मिडीयम (खानापूर) व आश्रमशाळा (खटकाळे).

Read more...

ब्लूमिंगडेल इंटरनॅशनल स्कूलचा सलग सहाव्या वर्षी १००% निकाल

ब्लूमिंगडेल इंटरनॅशनल स्कूलचा सलग सहाव्या वर्षी १००% निकाल

सजग वेब टीम, जुन्नर

नारायणगाव | नारायणगाव येथील ज्ञानदा एज्युकेशन सोसायटी संचलित ब्लूमिंगडेल इंटरनॅशनल स्कूल मधील इयत्ता दहावी आणि बारावीच्या विद्यार्थ्यांचा निकाल शंभर टक्के लागला आहे. या शाळेतील इयत्ता दहावी आणि बारावीतील सर्व विद्यार्थी चांगले गुण मिळवून उत्तीर्ण झाले असून सलग सहाव्या वर्षी शाळेचा निकाल शंभर टक्के लागला आहे अशी माहिती संस्थेच्या प्रमुख विश्वस्त व खजिनदार गौरी बेनके व प्राचार्य उषा मूर्ती यांनी दिली आहे.

इयत्ता १०वी च्या परीक्षेत प्रथम, द्वितीय व तृतीय क्रमांक मिळवलेले विद्यार्थी व त्यांचे गुण पुढीलप्रमाणे –

प्रथम क्रमांक – हर्ष संदीप गुंजाळ (९६%),
द्वितीय क्रमांक – तनिष्का गणेश तेली (९५.८ %),
तृतीय क्रमांक – ओम संजय गुंजाळ (९४.६%).

इयत्ता बारावीच्या परीक्षेत प्रथम द्वितीय व तृतीय क्रमांक मिळवलेले विद्यार्थी व त्यांचे गुण पुढील प्रमाणे –

प्रथम क्रमांक – रेवती संजय दुराफे (८२.४६%),
द्वितीय क्रमांक – प्रथमेश शैलेश गायकवाड (८१.६९ %),
तृतीय क्रमांक – प्रतिक्षा रमेश गाडेकर (७६.४६%)

यावर्षी शाळेचे एकूण ४० विद्यार्थी इयत्ता दहावीच्या परीक्षेस बसले होते. यातील ९ विद्यार्थ्यांनी ९० टक्क्यांपेक्षा जास्त गुण मिळवले असून आठ विद्यार्थ्यांनी ८० टक्‍क्‍यांपेक्षा जास्त गुण मिळवले आहेत. तर उर्वरीत सर्व विद्यार्थ्यांनी ७० टक्‍क्‍यांपेक्षा जास्त गुण मिळवून यश संपादन केले आहे. ब्लुमिंगडेल शाळेतील विद्यार्थ्यांच्या यशात सर्व शिक्षकांचा आणि संस्थेतील कर्मचाऱ्यांचा मोलाचा वाटा आहे. शाळेच्या मुख्याध्यापिका उषा मूर्ती यांच्या मार्गदर्शनाने तसेच दर्जेदार शिक्षण प्रणालीमुळे विद्यार्थ्यांनी यश मिळवले आहे. शालेय शिक्षणाच्या माध्यमातून सर्वगुणसंपन्न आणि आदर्श विद्यार्थी घडविणे हेच आमचे उद्दिष्ट्य आहे असे मत संस्थेच्या खजिनदार गौरी अतुल बेनके यांनी व्यक्त केले. सध्याच्या बदलत्या शैक्षणिक स्वरुपात आपला विद्यार्थी कसा अग्रेसर राहील याकडे संस्थेचे नेहमी लक्ष असते असेही गौरी बेनके यावेळी सांगितले.

ज्ञानदा एज्युकेशन सोसायटीचे कार्याध्यक्ष व जुन्नर तालुक्याचे आमदार अतुल बेनके यांनी यशस्वी विद्यार्थ्यांचे अभिनंदन करताना म्हटले की, विद्यार्थ्यांच्या सर्वांगीण विकासासाठी सर्वसमावेशक अध्यापन प्रणाली, उच्च शिक्षणाच्या दृष्टीने विद्यार्थ्यांच्या बौद्धिक क्षमतांचा विकास व्हावा यासाठी ऑनलाईन व ऑफलाईन पद्धतीने शिक्षण प्रभावी केले जात आहे.

Read more...

परिक्षा रद्द झाल्याने राज्यातील सर्व विद्यार्थ्यांची परिक्षा फी परत करा – राजू शेट्टी

परिक्षा रद्द झाल्याने राज्यातील सर्व विद्यार्थ्यांची परिक्षा फी परत करा – राजू शेट्टी

सजग वेब टीम, कोल्हापूर

कोल्हापूर | कोरोना विषाणूच्या पार्श्वभूमीवर राज्य शासनाने महाविद्यालय अंतर्गत असलेल्या यावर्षीच्या परिक्षा रद्द केल्या आहेत. यामुळे राज्यातील विद्यार्थ्यांनी भरलेली परिक्षा फी परत द्यावी अशी मागणी स्वाभिमानी शेतकरी संघटनेचे संस्थापक राजू शेट्टी यांनी राज्याचे उच्च व तंत्र शिक्षण मंत्री उदय सामंत यांचेकडे केली.
राज्यातील एका शिवाजी विद्यापीठाच्या अतंर्गत 3 जिल्ह्यातील एकूण 279 महाविद्यालये आहेत. या महाविद्यालयाकडून लॉकडाऊन पुर्वी अंतिम वर्षाच्या परिक्षेसाठी परिक्षा फी घेतलेली आहे. या सर्व महाविद्यालयात वेगवेगळ्या विभागातील जवळपास 2.5 लाख विद्यार्थी आहेत. या सर्व विद्यार्थ्यांची सरासरी 13.50 कोटी रूपये परिक्षा फी आपल्या विद्यापीठाकडे जमा झालेली आहे. राज्यातील विविध विद्यापीठांमध्ये असे लाखो विद्यार्थी असून त्या विद्यार्थ्यांची फी माफ होणे गरजेचे आहे. सर्व विद्यार्थी शेतकरी, शेतमजूर, कामगार, तसेच गरीब सर्वसामान्य वर्गातील जनतेची मुले आहेत. कोरोना विषाणुच्या प्रादुर्भावाने सध्या सर्वत्र मंदीची लाट सुरू आहे. लाखो लोकांच्या नोकर्‍या गेल्या आहेत. कामगार वर्ग आर्थिक संकटात सापडलेला आहे. शेतीमालाला भाव नाही. त्यातच राज्य सरकारकडून महाविद्यालयाच्या अंतिम परीक्षा रद्द केल्या आहेत. परिक्षाच रद्द झाल्याने राज्यातील सदर परिक्षेची जेणेकरून पालकांना व विद्यार्थ्यांना दिलासा मिळेल.
याबाबत उच्च व तंत्र शिक्षण मंत्री उदय सामंत म्हणाले कि फी परत करण्याबाबत शासन सकारात्मक असून विद्यार्थांना परिक्षा फी परत देण्यामध्ये काही तांत्रिक अडचण आल्यास त्याच फीमध्ये पुढील वर्षीच्या परिक्षा घेतले जातील अशी ग्वाही दिली.

Read more...

जुन्नरच्या आदिवासी भागातील ऋतुजा राज्यशास्त्रात राज्यात प्रथम

जुन्नरच्या आदिवासी भागातील ऋतुजा राज्यशास्त्रात राज्यात प्रथम

सजग टीम, जुन्नर

 

 जुन्नर | शासकीय माध्यमिक व उच्च माध्यमिक कन्या आश्रम शाळा सोमतवाडी या शाळेची उज्वल यशाची व निकालाची परंपरा गेल्या दहा वर्षापासून अबाधित आहे याआधी सलग तीन वर्ष इयत्ता बारावी चा निकाल शंभर टक्के लागलेला असून यावर्षीचा निकाल 97:72 टक्के लागला आहे.

या शाळेत जुन्नर तालुक्यातील आदिवासी भागातील ऋतुजा संपत लांडे या विद्यार्थीनीने १२ वीच्या परीक्षेत भरघोस यश मिळवत जुन्नरचे नाव राज्यात चमकवले आहे.

या यशाबद्दल आदिवासी विकास विभागाच्या प्रधान सचिव मनीषा वर्मा व प्रकल्प अधिकारी पंढुरे साहेब यांनी वैयक्तिकरित्या ऋतुजा व शिक्षकांशी दूरध्वनीवरून संपर्क साधून त्यांचे अभिनंदन केले आहे.

याबाबत सविस्तर माहिती अशी आहे की, नुकताच इयत्ता १२ वी बोर्डाच्या परिक्षेच्या निकालात ऋतुजा लांडे हिने राज्यशास्त्र या विषयामध्ये राज्यात दुसरा तर आदिवासी विकास विभाग मध्ये प्रथम क्रमांक मिळवत घवघवीत यश संपादन केले आहे. हालाखीच्या परिस्थितीत मिळवलेल्या या यशाबद्दल सर्वच स्तरांमधून तिचे कौतुक होत आहे.

जुन्नर शहरापासून ४० किलोमीटर अंतरावर असणारे आदिवासी वस्तीचे घाटघर हे ऋतुजाचे गाव. आई संजाबाई व वडील संपत लांडे हे शेती करतात जेमतेम असणारी शेती हेच उत्पन्नाचे साधन आई वडिलांचे शिक्षण फारसे झाले नाही. पण आपल्या मुलीने शिकून मोठं व्हावं ही त्यांची इच्छा. अशा परिस्थितीमध्ये देखील त्यांनी मुलीला शिक्षणासाठी प्रोत्साहन दिले. त्याचे तिने सोनं केल्याची भावना कुटुंबीयांनी व्यक्त केली आहे.

ऋतुजाने प्राथमिक शिक्षण घाटघर येथील जिल्हा परिषद शाळेत घेतल्यानंतर पुढील शिक्षणसाठी आदिवासी आश्रम शाळा जुन्नर येथे प्रवेश घेतला. याठिकाणी ऋतुजाला आदिवासी आश्रम शाळेच्या मुख्याध्यापिका एस. एस. कांबळे, वर्ग शिक्षक एस. एस. भारती यांचे मार्गदर्शन व सहकार्य लाभले. तर राज्यशास्त्र विषयाचे शिक्षक गणेश गोडसे यांचा देखील तिच्या यशामध्ये सिंहाचा वाटा असल्याचे ऋतुजाने “सजग टाईम्स न्यूज”शी बोलताना सांगितले.

ऋतुजाला कायद्याची आवड असून तिला विधितज्ञ होऊन महिलांमध्ये कायद्याविषयी असणारे अज्ञान याबद्दल जनजागृती करायची असल्याचेही तिने सांगितले.

ऋतुजाच्या यशामध्ये जुन्नर आंबेगावचे प्रांताधिकारी व आदिवासी विभागाचे प्रकल्प अधिकारी जितेंद्र डुडी, सहायक शिक्षण प्रकल्प अधिकारी नवनाथ भवारी, अधीक्षिका ए.के.राजपूत, बी.डी.आमटे, व्ही.डी.साबळे, पूर्व अधिक्षिका ए.टी.पवार आदींचे मोलाचे सहकार्य लाभले.

Read more...

सॅनिटरी नॅपकिन्स व टॅपोन्स मिळणे हा महिलांचा अधिकार – निकिता गोरे

सॅनिटरी पॅड्सचा जीवनावश्यक वस्तूंमध्ये समावेश करण्यासाठी औरंगाबादच्या कन्येचा न्यायालयात लढा

सजग आरोग्य

“सॅनिटरी नॅपकिन्स व टॅपोन्स कर सवलतीत व स्वस्त दरात मिळावेत जेणेकरून आर्थिकदृष्ट्या दुर्बल स्त्रियांना देखिल ते वापरता येतील”

मासिक पाळी स्वच्छता व्यवस्थापनासाठी आवश्यक सॅनिटरी नॅपकिन्स व टॅपोन्स मिळणे हा महिलांचा अधिकार आहे, त्यामुळे भारतात आणि जगभर “सॅनिटरी नॅपकिन्स व टॅपोन्स कर सवलतीत व स्वस्त दरात मिळावेत जेणेकरून आर्थिकदृष्ट्या दुर्बल स्त्रियांना देखिल ते वापरता येतील” अशी मागणी होत असते. कोरोना पार्श्वभूमीवर देशभर लॉकडाऊन घोषीत झाल्यानंतर देशभर श्रमिक/श्रमिक कुटुंबातील महिला शहरीभागाकडून त्यांच्या मूळगावी चालतं जातं होत्या,
“काही महिलांना पाळीतर आलीच असेल, त्यांच्या कडे मध्यम वर्गीयां सारखे सॅनिटरी पॅड तर नसतीलच, त्या आपल्या तयारीने काही जुने फडके घेऊन निघाल्या असतील. पाळी मध्ये सतत चालण्याचा त्यांचा हा त्रास किती वेदनादायी असेल ? फडंक बदलायला कुठे आडोसाही मिळत नसेल ? अशा परिस्थितीत त्या मैलो चालत आहेत, ही स्थिती स्त्रीसाठी फार अस्वस्थ करणारी असते, याचा आरोग्यावरही परिणाम होतो. योनीत संक्रमनाचीही शक्यता असते” यासर्व प्रश्नांकडे संवेदनशील स्त्री म्हणून पाहतांना काय करता येईल ? याविचारा सोबत, मे २०२० ला आम्ही उच्च न्यायालयात जनहित याचिका दाखल केली आहे, यांत “सॅनिटरी नॅपकिन्सना अत्यावश्यक वस्तू घोषीत करून रेशनिंग दुकांनमध्ये अत्यावश्यक वस्तूंसोबत पुरवठा करण्याचे आदेश मिळावेत, जेणेकरूण ग्रामीण व आदिवासी भागांतील गरीब महिलांना उपलब्ध होतील”

‘मासिक पाळी स्वच्छता व्यवस्थापन’ या अतिशय संवेदनशील आणि महत्वाच्या विषया बाबती स्कॉटलंड या देशाने मात्र जगासमोर उत्तम उदाहरण ठेवलं आहे. स्कॉटलंड जगातील पहिला देश आहे ज्याने, सॅनिटरी नॅपकिन्स व टॅपोन्स मोफत देण्याबाबत दि.२३ एप्रिल २०१९ रोजी स्कॉटिश पार्लमेंटमध्ये यासाठी “पिरिएड्स प्रॉडक्ट प्रोव्हिजन” बिल मांडल. हे बिल त्वरीत संमत होऊन त्याची अंमलबजावणी प्रक्रिया देखिल, स्कॉटलंड मधील सार्वजनिक ठिकाण जसं की, शाळा-कॉलेज, सिनेमागृह, बस स्टँड, रेल्वेस्टेशनस इत्याद ठिकाणी वेन्डिंग मशिन्स द्वारे उपलब्ध करून झाली आहे. आपल्या देशात देखिल अशाच धोरणाची मांडणी होऊन-योग्य अंमलबजावणी होईल तो समस्थ भारतीय महिलांसाठी सुदिन म्हणावा लागेल.

निकीता गोरे, औरंगाबाद.

Read more...

सारथी संस्थेला उद्याच्या उद्याच ८ कोटींची मदत – उपमुख्यमंत्री अजित पवार

‘सारथी’चा कारभार राजर्षी शाहूंचा गौरव वाढवणारा असेल

‘सारथी’साठी सर्वस्व पणाला लावणार; ‘व्हिजन 2020-30’ राबवणार – उपमुख्यमंत्री अजित पवार

सजग वेब टीम, मुंबई

मुंबई, (दि.१०) | मराठा समाजाच्या सामाजिक, शैक्षणिक, आर्थिक विकासासाठी स्थापन झालेली ‘सारथी’ संस्था कदापि बंद होणार नाही. संस्थेची स्वायत्तता कायम राहील. ‘सारथी’ला उद्याच तातडीने 8 कोटींचा निधी दिला जाईल. समाजबांधवांच्या शाश्वत विकासासाठी ‘सारथी’कडून ‘व्हिजन 2020-30’ हा दहा वर्षाचा आराखडा तयार केला जाईल. ‘सारथी’ व ‘अण्णासाहेब पाटील आर्थिक मागास विकास महामंडळा’च्या आर्थिक, प्रशासकीय अडचणी दूर होण्यासाठी दोन्ही संस्था पुढच्या काळात नियोजन विभागांतर्गत काम करतील, अशा अनेक घोषणा उपमुख्यमंत्री अजित पवार यांनी आज केल्या.

‘सारथी’च्या विकासासाठी सर्वस्व पणाला लावण्याची तयारी असल्याचे सांगून यापुढच्या काळात ‘सारथी’वरचे हेत्वारोप टाळून बदनामी थांबवावी, असे आवाहनही त्यांनी केले. ‘सारथी’ संस्थेसमोरील प्रश्नांचा आढावा घेऊन ते सोडवण्यासाठी उपमुख्यमंत्री अजित पवार यांच्या अध्यक्षतेखाली आज मंत्रालयात विशेष बैठक आयोजित करण्यात आली होती. बैठकीला इतर मागासवर्गीय विभागाचे मंत्री विजय वडेट्टीवार, कौशल्य विकास मंत्री नवाब मलिक, खासदार छत्रपती संभाजीराजे, आमदार विनायक मेटे आदींसह वरिष्ठ प्रशासकीय अधिकारी, मराठा समाजाचे प्रतिनिधी उपस्थित होते. बैठकीत छत्रपती संभाजीराजे आणि मराठा समाजाच्या प्रतिनिधींनी विचार मांडले. बैठकीनंतर उपमुख्यमंत्री अजित पवार आणि खासदार छत्रपती संभाजीराजे यांनी संयुक्त पत्रकार परिषद घेऊन बैठकीतील निर्णयांची माहिती दिली.

उपमुख्यमंत्री अजित पवार यांनी सांगितले की, ‘सारथी’संस्थेसंदर्भात विविध व्यक्ती, संस्था, मान्यवरांकडून आलेली निवेदने, पत्रे, मागण्यांची नोंद घेण्यात आली आहे, त्यांचा एकत्रित विचार करुन सर्वांच्या मनासारखा सकारात्मक निर्णय व्हावा, ही सरकारची भूमिका आहे. त्याअनुषंगाने मराठा समाजाच्या विविध विद्याशाखा, अभ्यासक्रमात शिकणाऱ्या, स्पर्धापरिक्षांची तयारी करणाऱ्या विद्यार्थ्यांना शिष्यवृत्ती व शैक्षणिक शुल्क त्वरीत मिळावे यासाठी उद्याच 8 कोटी रुपये ‘सारथी’ला उपलब्ध करुन दिले जातील. ‘तारादूत’ यांना दोन महिन्यांचा प्रलंबित निधी तात्काळ दिला जाईल. मराठा समाजाच्या शैक्षणिक विकासासाठी काम करणारी ‘सारथी’ आणि आर्थिक विकासासाठी काम करणारे ‘अण्णासाहेब पाटील आर्थिक मागास विकास महामंडळ’ या दोन्ही संस्था अनुक्रमे ओबीसी व कौशल्य विकास मंत्रालयाऐवजी पुढच्या काळात नियोजन विभागाच्या अंतर्गत काम करतील. यासंबंधीचा प्रस्ताव राज्य मंत्रिमंडळाच्या बैठकीत मंजूर करुन घेण्यात येईल. याचाच अर्थ या दोन्ही संस्थांची जबाबदारी आता नियोजनमंत्री म्हणून उपमुख्यमंत्री अजित पवार यांनी स्वत:कडे घेतली आहे. छत्रपती संभाजीराजे यांनीही उपमुख्यमंत्र्यांच्या निर्णयाचे स्वागत करुन त्यांच्या नेतृत्वावर विश्वास व्यक्त केला  आहे.

उपमुख्यमंत्री अजित पवार हे ‘सारथी’च्या आगामी वाटचालीबद्दल म्हणाले की, ‘सारथी’चा कारभार पुढच्या काळात अधिक पारदर्शक व नियमानुसारंच होईल. संस्थेकडून होणारा खर्च दरमहा वेबसाईटवर प्रसिद्ध करण्यात येईल. दर दोन महिन्यांनी कामाचा आढावा घेऊन, आलेल्या नवीन सूचना, कल्पना विचारात घेऊन वाटचालीची पुढची दिशा निश्चित करण्यात येईल. छत्रपती राजर्षी शाहू महाराजांच्या नावाने सुरु झालेल्या संस्थेचा कारभार राजर्षींच्या नावाला साजेशा पद्धतीनं, त्यांचा गौरव वाढवणारा असेल, याची काळजी घेऊ. ‘सारथी’चा गौरव वाढवण्यासाठी सर्वस्व पणाला लावण्याची तयारी असल्याचेही उपमुख्यमंत्री म्हणाले. ‘सारथी’ची नाहक बदनामी करण्याचे प्रकार थांबवावेत, असं आवाहनही उपमुख्यमंत्री अजित पवार यांनी केलं.

खासदार छत्रपती संभाजी राजे यांनीही उपमुख्यमंत्र्यांनी स्वत:हून पुढाकार घेऊन बैठक आयोजित केल्याबद्दल तसेच या दोन्ही संस्थांची जबाबदारी स्विकारल्याबद्दल आनंद व्यक्त केला. उपमुख्यमंत्री अजित पवार यांनीही छत्रपतीं संभाजीराजेंनी निमंत्रणाचा स्विकार करुन बैठकीला उपस्थित राहिल्याबद्दल त्यांचे आभार मानले.

Read more...

एमपीएससी परिक्षेबाबत सुप्रिया सुळेंची महत्वाची मागणी

एमपीएससी परिक्षेबाबत सुप्रिया सुळेंची महत्वाची मागणी

सजग वेब टीम

मुंबई | वयाची मुदत संपणाऱ्या विद्यार्थ्यांना पुढील वर्षीही एमपीएससीच्या परीक्षांना बसू देण्यात यावे अशी विनंती राष्ट्रवादी काँग्रेसच्या खासदार सुप्रिया सुळे यांनी मुख्यमंत्र्यांकडे केली आहे. कोरोनाचा फटका वयाची मुदत संपणाऱ्या उमेदवारांना बसता कामा नये, असं मत सुळे यांनी ट्विटरवर व्यक्त केलं आहे.

सुप्रिया सुळे यांनी आपल्या ट्विटमध्ये म्हटलंय, “कोरोनाच्या संकटामुळे उद्भवलेल्या परिस्थितीत यावर्षी सरकारी नोकरभरती होणार नाही अशी स्थिती आहे. याचा फटका एमपीएससीची तयारी करणाऱ्या व यावर्षी वयाची मुदत संपणाऱ्या उमेदवारांना बसणार आहे. यामुळे अनेक पात्र व लायक उमेदवार शासनाच्या सेवेत येऊ शकणार नाहीत. शिवाय त्यांचे श्रम वाया जातील.”

“मुख्यमंत्री उद्धव ठाकरे यांनी कोरोनाचे हे अभूतपूर्व संकट लक्षात घेता या उमेदवारांना वयाची मर्यादा वाढवून एमपीएससी च्या पुढील परिक्षांसाठी बसून देण्यात यावं. याबाबत सरकारनं सकारात्मक विचार करावा.” असंही मत त्यांनी मांडले आहे.

दरम्यान, एमपीएससीच्या परिक्षा लांबणीवर पडल्या आहेत. राज्यातील कोरोनाचं संक्रमण कमी न झाल्यास परिक्षा रद्द करण्याचा निर्णय घेण्याची शक्यता वर्तवली जात आहे. परीक्षेसाठी वयाची शेवटची मुदत असलेल्या विद्यार्थ्यांमध्ये यामुळं भितीचं वातावरण पसरल्याचं पहायला मिळत आहे.

Read more...
Open chat