समर्थ शैक्षणिक संकुलात कर्मवीर भाऊराव पाटीलांच्या स्मृतीस अभिवादन.

सजग वेब टीम, जुन्नर (सुधाकर सैद)
बेल्हे | समर्थ रूरल एज्युकेशनल इन्स्टिट्यूट संचलित समर्थ शैक्षणिक संकुल बेल्हे येथे कर्मवीर भाऊराव पाटील यांच्या पुण्यतिथीनिमित्त त्यांच्या प्रतिमेस पुष्पहार अर्पण करण्यात आला.यावेळी संस्थेचे अध्यक्ष वसंतराव शेळके,उपाध्यक्ष माऊली शेळके,सचिव विवेक शेळके,विश्वस्त वल्लभ शेळके,सर्व संस्थांचे प्राचार्य,विभागप्रमुख,शिक्षक व शिक्षकेतर कर्मचारी उपस्थित होते.
कर्मवीर भाऊराव पाटील यांच्या जीवन चरित्रावर प्रकाश टाकत त्यांच्या विचारांची शिदोरी आणि कार्याबद्दल माहिती देताना संस्थेचे विश्वस्त वल्लभ शेळके म्हणाले की स्वावलंबी शिक्षण हेच ब्रीद समजून बहुजनांच्या शिक्षणाचा वटवृक्ष उभा करणारे कर्मवीर हे मराठी समाजसुधारक आणि शिक्षणप्रसारक होते.सर्वसामान्य जनतेपर्यंत शिक्षणप्रसार करण्यासाठी त्यांनी रयत शिक्षण संस्था स्थापन केली.मागास व गरीब मुलांना शिक्षण घेणे शक्य व्हावे म्हणून ‘कमवा व शिका’ ही योजना सुरू करुन मोठे काम केले.रयत शिक्षण संस्थेच्या माध्यमातून त्यांनी शिक्षणाचा प्रसार केला.दिनांक ऑक्टोबर ४, इ.स. १९१९ रोजी भाऊराव पाटील यांनी ‘रयत शिक्षण संस्थेची स्थापना सातारा जिल्ह्यातील काले या गावी केली.
शैक्षणिकदृष्ट्या मागासलेल्या वर्गात शिक्षणाची आवड निर्माण करणे,मागासलेल्या वर्गांतील गरीब मुलांना मोफत शिक्षण देणे,निरनिराळ्या जातिधर्मांतील विद्यार्थ्यांत प्रेमभाव निर्माण करणे यासाठी प्रयत्न केला.सर्व मुले काटकसरी, स्वावलंबी,शीलवान व उत्साही बनवण्याचा प्रयत्न करणे हि उद्दिष्टे साध्य करण्यासाठी भाऊरावांनी केवळ क्रमिक शिक्षणच नव्हे,तर समता,बंधुता, श्रमप्रतिष्ठा,सामाजिक बांधिलकी आदि मूल्यांची शिकवण विद्यार्थ्यांना दिली.
कर्मवीरांच्या पुण्य स्मृतीस अभिवादन करून आपल्या समर्थ शैक्षणिक संस्थेमार्फत समाजातील प्रत्येक घटकाला शिक्षणरूपी खतपाणी घालून उद्धारासाठी प्रयत्न करू असा विश्वास यावेळी सर्व शिक्षकांनी व्यक्त केला.
कार्यक्रमाचे सूत्रसंचालन प्रा.प्रदीप गाडेकर यांनी तर आभार प्रा.संजय कंधार यांनी मानले.

Share this post

Leave a Reply

Your email address will not be published. Required fields are marked *


TALK OF THE TOWN

Open chat