योगेश पाटे यांना पर्यावरण रक्षक सन्मान पुरस्कार जाहीर

योगेश पाटे यांना पर्यावरण रक्षक सन्मान पुरस्कार जाहीर

सजग वेब टिम, जुन्नर

नारायणगाव | नारायणगावचे सरपंच योगेश पाटे यांना राजस्थान येथील तरुण भारत संघ या संस्थेच्या वतीने पर्यावरण रक्षक सन्मान २०१९ हा पुरस्कार जाहीर झाला आहे.

१५ जानेवारी २०२० रोजी महात्मा गांधी यांचे पुतणे अरुण गांधी आणि जलपुरुष राजेंद्रसिंह राणा यांच्या हस्ते हा पुरस्कार पाटे यांना प्रदान करण्यात येणार असून हा कार्यक्रम अलवर, राजस्थान याठिकाणी होणार आहे.

पाटे यांनी गावामध्ये वृक्षारोपण आणि संगोपन यावर भर देऊन नदी स्वच्छता कार्यक्रम राबविण्यातही पुढाकार घेतला आहे. याच कामाची पावती म्हणून त्यांना हा पुरस्कार घोषित करण्यात आला आहे.