पशुसंवर्धन विभागाच्या गोचीड आणि जंत निर्मूलन अभियानाचा आणे याठिकाणी शुभारंभ

पशुसंवर्धन विभागाच्या गोचीड आणि जंत निर्मूलन अभियानाचा आणे याठिकाणी शुभारंभ

उपमुख्यमंत्री अजित पवार आणि आमदार अतुल बेनके यांच्या वाढदिवसानिमित्त पशुसंवर्धन विभागाचा उपक्रम

सजग वेब टीम, जुन्नर

आणे | महाराष्ट्र राज्याचे उपमुख्यमंत्री अजित पवार व जुन्नर तालुक्याचे आमदार अतुल बेनके यांच्या वाढदिवसाचे औचित्य साधून राष्ट्रवादी काँग्रेस पक्ष आणे व कात्रज दूध संघ पुणे यांच्या संयुक्त विद्यमाने बलराम दूध उत्पादक संस्था व पशुसंवर्धन विभाग जिल्हा परिषद पुणे यांच्या माध्यमातून गुरुवारी (दि.२३) आणे येथे गोचीड निर्मूलनासाठी लसीकरण करण्यात आले तसेच जंत निर्मूलनासाठी गोळ्यांचे वाटप करण्यात आले. या मोहिमेचा शुभारंभ आणे येथील दाते मळ्यात जिल्हा परिषद सदस्य पांडुरंग पवार यांच्या हस्ते गोपूजन करून करण्यात आला.

यावेळी कात्रज दूध संघाचे ट्रेनिंग ऑफिसर डॉ. मंगेश फाकटकर, डॉ. भरत गायकवाड, डॉ.खालिद मणियार, डॉ. अरविंद बेडेकर, डॉ. संदेश कोबल, डॉ.आंधळे, डॉ. भगत, डॉ. बढे, डॉ. बेल्हेकर, डॉ. रोहन दाते असे नऊ पशुवैद्यक आणे परिसरातील सुमारे १२०० जनावरांचे लसीकरण करतील असे बलराम दूध संस्थेचे अध्यक्ष माऊली संभेराव यांनी सांगितले.

या मोहिमेच्या उद्घाटनप्रसंगी कात्रज दूध संघाचे संचालक बाळासाहेब खिलारी, चंद्रकांत ढगे, सामाजिक कार्यकर्ते प्रशांत दाते, राम देशमुख, रोहित दाते, संतोष दाते आदी कार्यकर्ते उपस्थित होते.

Share this post

Leave a Reply

Your email address will not be published. Required fields are marked *


TALK OF THE TOWN

Open chat