निसर्ग चक्रीवादळातील नुकसानग्रस्त शेतकऱ्यांसाठी ४२ कोटी रु. मंजूर

निसर्ग चक्रीवादळातील नुकसानग्रस्त शेतकऱ्यांसाठी ४२ कोटी रु. मंजूर 

सजग वेब टिम, जुन्नर

नारायणगाव (दि.११)| शिरूर लोकसभा मतदार संघातील शिरूर, खेड, आंबेगाव आणि जुन्नर या तालुक्यातील शेतकऱ्यांना निसर्ग चक्रीवादळाचा मोठा फटका बसला होता. या वादळात शेतकऱ्यांचे आर्थिक स्वरूपात मोठे नुकसान झाले. पिके,पशुधन आणि मालमत्तेचे मोठे नुकसान झाले होते. याबाबत प्रशासकीय पातळीवर नुकसानीचे पंचनामेही करण्यात आले होते. या नुकसानीसाठी ४२ कोटी ६० लाख रुपयांची रक्कम नुकसान भरपाईपोटी मंजूर झाल्याची अधिकृत माहिती खासदार डॉ. अमोल कोल्हे आणि आमदार अतुल बेनके यांनी दिली.

शिरूर लोकसभा मतदार संघात एकूण ४२ कोटी पैकी जुन्नर तालुक्यासाठी एकूण २८कोटी रुपये रक्कम महसूल विभागाकडे वर्ग झाली असून, ही रक्कम १७ ऑक्टोबर पर्यंत शेतकऱ्यांच्या खात्यात जमा होतील अशी माहिती तहसीलदार हनुमंत कोळेकर यांनी दिली आहे. नुकसानीची रक्कम जिल्हाधिकारी कार्यालयाने महसूल विभागाकडे वर्ग केली आहे. तालुका निहाय मंजूर झालेली रक्कम पुढीलप्रमाणे

– घरघुती वस्तू आणि कपडे या नुकसानी साठी खेड तालुक्यासाठी १ कोटी ४४ लाख रुपये तर शिरूर साठी २ लाख १० हजार रुपये आणि जुन्नर साठी २ कोटी १९ लाख रुपये मंजूर झाले आहेत. मयत पशुधनासाठी आंबेगाव १ कोटी ४४लाख २९ हजार रुपये, खेड मध्ये ३ लाख ६९ हजार तर जुन्नर मध्ये १ लाख ४३ हजार रुपयांचे पशुधन नुकसान झाले आहे.

शिरूर मध्ये घरांच्या पडझडीमुळे ९ लाख दहा हजार तर जुन्नर मध्ये याच करणासाठी ४ कोटी २२ लाख ७० हजार रुपयांचे घरांचे नुकसान झाले आहे.खेड ५ कोटी १६ लाख ८५ हजार तर आंबेगाव १ कोटी ४४ लाख रुपये त्याचप्रमाणे पिकांचे नुकसान मोठ्याप्रमाणात झाल्याने पिकांचेही पंचनामे करण्यात आले होते.

शिरूर तालुक्यात ३४ लाख १९ हजार रुपये, जुन्नर साठी २१ कोटी ८७ लाख २१ हजार ६४५ रुपये यात विशेषतः कांदा, भात शेती यांचे मोठे नुकसान झाले होते.आंबेगाव साठी ४ कोटी २४ लाख ५८ हजार रुपये मंजूर करण्यात आले आहेत. जुन्नर तालुक्यातील मावळ आणि बागायती क्षेत्राला जास्त फटका बसला आहे. जुन्नर तालुक्यातील एकूण नुकसान भरपाईचे २८ कोटी रुपये महसूल विभागाकडे नुकतेच जमा झाले असून ही रक्कम लवकरच शेतकऱ्यांच्या बँक खात्यात जमा होणार असल्याची अधिकृत माहिती महसूल विभागाकडून देण्यात आली आहे.

Share this post

Leave a Reply

Your email address will not be published. Required fields are marked *


TALK OF THE TOWN

Open chat