जुन्नर तालुक्यात सध्या चर्चा या फोटो ची

 

जुन्नर – जुन्नर तालुका राष्ट्रवादी काँग्रेसच्या विविध नेत्यांमध्ये असलेलं सख्य हे पूर्ण तालुक्याला माहित आहे. त्यात कायम चर्चेत राहिलेलं उदाहरण म्हणजे बाजार समितीचे सभापती संजय काळे आणि राष्ट्रवादी काँग्रेसचे युवानेते अतुल बेनके यांचे. या दोघांचेही याआधीचे मतभेद आणि राजकीय कारस्थानं तालुक्याने पाहिली आहेत. परंतु सध्या जुन्नर तालुका राष्ट्रवादी काँग्रेस मधील एकी मात्र वाढताना दिसतेय वरील फोटो मात्र हेच काहीसं सांगतोय. अतुल बेनके, पांडुरंग पवार, शरदराव लेंडे, मोहित ढमाले, अंकुश आमले यांची बूथ कमिटी व्यवस्थापन कामात चाललेली लगबग आणि बूथ कार्यकारिणीचा घेतलेला आढावा हे पाहता सर्वच स्तरावर राष्ट्रवादी काँग्रेस एकजुटीने पुढे चाललीये असं वातावरण मात्र सध्या तालुक्यात दिसतेय.

राष्ट्रवादी काँग्रेसच्या नेत्यांना बूथ कमिटी व्यवस्थापन बैठकीत सुप्रिया सुळे यांनी दिलेल्या कानपिचक्यांचा हा फरक आहे की काय? अशीही चर्चा कार्यकर्त्यांमध्ये रंगताना दिसतेय आणि युवानेते रोहित पवार यांचे वाढते दौरे ही कार्यकर्त्यांमध्ये उत्साह वाढवत आहेत.

राष्ट्रवादी काँग्रेसच्या दृष्टीने मात्र विधानसभा आणि लोकसभा निवडणूक तयारीसाठी हि चांगली गोष्ट आहे असं म्हणावं लागेल.

Share this post

Leave a Reply

Your email address will not be published. Required fields are marked *


TALK OF THE TOWN

Open chat