आमदार लांडगे समर्थकांमध्ये धुसफूस, भोसरी भाजप आक्रमक.

सजग वेब टीम, पिंपरी चिंचवड

पिंपरी चिंचवड | मावळनंतर शिरुरमध्येही भाजप-शिवसेनेतील धुसफूस समोर येत आहे. शिवसेनेचे शिरुरचे उमेदवार जाहीर होताच भोसरीतील भाजप गटाने बैठक घेतली. आमदार महेश लांडगे यांच्या गटातील सर्व नगरसेवक शिवाजीराव आढळराव पाटील यांचा प्रचार न करण्याचा मनस्थितीत आहेत.

आढळराव पाटलांनी युती होण्याआधी केलेल्या आरोपांचं काय? असा प्रश्न नगरसेवकांनी उपस्थित केला आहे. भोसरी विधानसभा सध्या शिवसेनेच्या कोट्यात असल्याने हे दबावतंत्र वापरलं जात आहे. अपक्ष निवडून आलेले लांडगे हे भाजपमध्ये असल्याने, येत्या विधानसभेत हा मतदारसंघ भाजपला सोडण्याची ग्वाही द्यावी, अशी मागणी केली जात आहे.

आमदार लांडगे सावध भूमिकेत असल्याचं बैठकीतील चर्चेतून दिसत आहे. लांडगे युतीधर्म पाळू असं म्हणत असताना त्यांचे समर्थक नगरसेवक मात्र विरोधाची भूमिका घेत आहेत. लांडगे नगरसेवकांना पुढे करुन स्वतःसाठी विधानसभेची जागा निश्चित करत असल्याचीही चर्चा आहे.

आधी मावळ लोकसभेचे शिवसेना उमेदवार श्रीरंग बारणे यांच्या विरोधात भाजप आमदार लक्ष्मण जगताप प्रचार करणार अशी चर्चा असताना आता शिरुरमध्येही भोसरी चेे भाजपचे आमदार महेश लांडगे समर्थक नगरसेवकांनी तीच रणनीती अवलंबली आहे

Share this post

Leave a Reply

Your email address will not be published. Required fields are marked *


TALK OF THE TOWN

Open chat